Nana Patekar : अभिनेते नाना पाटेकर त्यांच्या उत्तम अभिनयाबरोबर परखड राजकीय मतांसाठीही ओळखले जातात. राजकीय जाण असलेला अभिनेता म्हणून नानांची एक वेगळी ओळख आहे. नुकतंच एका मुलाखतीत नानांनी राजकारणात येण्याबद्दल भाष्य केलं.
नानांची 'द लल्लनटाप' या चॅनेलला दिलेली मुलाखत गाजतेय. या मुलाखतीत नानांना राजकारणात सक्रिय होणार का ? असा प्रश्न विचारण्यात आला त्यावर नाना म्हणाले की, "मला आतापर्यंत सगळ्या पक्षांनी राजकारणात येण्यासंबंधी विचारलं आहे अगदी लोकसभा निवडणुकीवेळीही विचारलं. मला शरद पवार यांचाही फोन आलेला. त्यांना खबर होती की मी कोणत्यातरी दुसऱ्या पक्षात प्रवेश करणार आहे. तस काही नव्हतं उलट मलाच त्यांच्याकडून कळलं. मी राजकारणात टिकू शकत नाही. माझा तो स्वभाव नाही. मी काही पक्ष प्रमुखाला उलटसुलट बोलून गेलो तर मला पक्षातून काढून टाकतील. त्यामुळे मी राजकारणात येत नाही." यानंतर त्यांनी सध्या कोण कलाकार निवडणुकीत निवडून आले याबद्दल विचारलं आणि हेमामालिनी जिंकल्या हे ऐकल्यानंतर ते खूप खुश झाले.
हेमामालिनी या त्यांच्या आवडत्या अभिनेत्री असल्याची कबुली त्यांनी दिली. ते जेव्हा तरुण होते त्या काळी हेमामालिनी आघाडीच्या अभिनेत्री होत्या आणि त्या त्यांना आवडायच्या अस ते म्हणाले. त्यांनी ही गोष्ट हेमामालिनी यांना सांगितली होती का असं विचारल्यावर ते म्हणाले "मी आता कबुली देतोय."
सिनेविश्वातून काही काळ ब्रेक घेतल्यानंतर नाना आता पुन्हा बॉलिवूडमध्ये कमबॅक करत आहेत. त्यांचे काही सिनेमे येत्या काळात प्रदर्शित होणार आहेत. जर्नी हा सिनेमा त्यांचा लवकरच प्रदर्शित होणार असून या सिनेमाचं दिग्दर्शन 'गदर' फेम अनिल शर्मा यांनी केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
