मुंबई- अभिनेता श्रेयस तळपदे याच्या मृत्यूबाबत सोशल मीडियावर खोट्या बातम्या पसरवल्या जात आहेत. याबाबत आता श्रेयस तळपदे याने स्वत:च पुढे येऊन याबाबत खुलासा केला आहे. त्याने यासदर्भातल सोशल मीडियावर पोस्ट केली आहे. तो म्हणालाय की, 'मी जिवंत आहे, आनंदी आहे आणि ठीक आहे.'
श्रेयस तळपदेने मृत्यूच्या खोट्या बातम्या पसरवणाऱ्यांना सुनावलं असून तीव्र प्रतिक्रिया दिली आहे. तळपदेने यासंदर्भात म्हटलंय की, 'विनोदबुद्धी चांगली असते, पण त्याचा गैरवापर काहींना इजा करणारा असतो. एक थट्टा म्हणून ही बातमी पसरली असावी पण आता माझ्या कुटुंबासाठी हे काळजीचं आणि तणावाचं ठरत आहे.'