Bollywood Entertainment News : अभिनेता हृतिक रोशन आणि अभिनेत्री प्रीती झिंटा यांचा 2003 साली रिलीज झालेला कोई मिल गया हा सिनेमा खूप गाजला. या सिनेमात हृतिक आणि प्रीतीबरोबर अनेक बालकलाकारांची फौज होती. यातीलच एक सगळ्यांच्या लक्षात राहिलेला चेहरा म्हणजे अभिनेत्री हंसिका मोटवानी.
शाका लाका बूम बूम, कोई मिल गया यांसारख्या प्रोजेक्टमध्ये बालकलाकार म्हणून काम केल्यानंतर हंसिकाने सिनेमांमध्ये अभिनेत्री म्हणून पदार्पण केलं. सुरुवातीला तिने साऊथ इंडस्ट्रीमध्ये काम केलं त्यानंतर तिने आप का सुरूर या सिनेमातून बॉलिवूडमध्ये पदार्पण केलं. हिमेश रेशमिया बरोबर तिने या सिनेमात स्क्रीन शेअर केली होती. पण ती बॉलिवूडमध्ये यश मिळवू शकली नाही त्यामुळे तिने साऊथ इंडस्ट्रीमध्ये काम करणं सुरु ठेवलं.
हंसिकाने सोहेल खटुरियाशी लग्नगाठ बांधली. नुकताच त्यांनी त्यांच्या नव्या घरात गृहप्रवेश केला. सोशल मीडियावर नवी सुरुवात असं कॅप्शन देत तिने तिच्या नवीन घरातील गृहप्रवेशाचे फोटो शेअर केले आहेत. तिने यावेळी हिरव्या रंगाची साडी नेसली होती. या लूकमध्ये ती सुंदर दिसत होती.
भव्य हॉल, घरातील आरक्षणे नटलेला एक सुंदर फोटो कॉर्नर आणि मॉडर्न इंटिरियर अनेकांना पसंत पडलं. तिच्या या पोस्टवर अनेकांनी कमेंट करत तिचं अभिनंदन केलं. पण काहींचं तिने जो पायाचा फोटो पोस्ट केलेला त्यात तिने डावा पाय पुढे टाकला कि उजवा यावरून काही चाहत्यांमध्ये भांडण झालं. पण अनेकांनी तिच्या घरातील इंटिरियरचं कौतुक केलं.
हंसिकाचा शेवटचा गार्डियन हा तामिळ सिनेमा रिलीज झाला होता. लवकरच तिचे रावडी बेबी, गांधारी आणि मॅन हे तामिळ सिनेमे रिलीज होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
