Khushboo Tawade Baby Shower : साधेपणाने पार पडलं खुशबूचं दुसरं डोहाळेजेवण ; बहिणीने केली खास तयारी , पाहा व्हिडीओ

Marathi Entertainment News : मराठी अभिनेत्री खुशबू तावडे पुन्हा एकदा आई होणार आहे. खुशबू लवकरच बाळाला जन्म देणार असून तितिक्षाच्या घरी दुसऱ्यांदा तिचं साधेपणाने पण धमाल करत डोहाळेजेवण पार पडलं. २ ० २ १ मध्ये खुशबूने तिचा मुलगा राघवला जन्म दिला होता. त्यानंतर दोन वर्षांनी पुन्हा एकदा खुशबूच्या घरी आनंदाची बातमी आहे. खुशबू आणि संग्रामने सोशल मीडियावर व्हिडीओ शेअर करत ही बातमी शेअर केली होती.

बहिणीने केली तयारी

खुशबूचे आई-बाबा, बहीण तितिक्षा आणि भाऊ साईने एकत्र येत खुशबूच दुसरं डोहाळेजेवण आनंदात साजरं केलं. तितिक्षाने तिच्या यूट्यूब चॅनेलवर हा व्हिडीओ शेअर केला. यावेळी तितिक्षाचा नवरा सिद्धार्थनेसुद्धा हजेरी लावली होती. त्या दोघांनीच खुशबूच्या डोहाळेजेवणाची सगळी तयारी केल्याचं व्हिडिओमध्ये पाहायला मिळालं.

पेढा कि बर्फी ?

अगदी मोजक्या नातेवाईकांच्या उपस्थितीत खुशबूची ओटीभरणी पार पडली. यावेळी तिच्या सगळ्या नातेवाईकांनी तिच्या आवडीचे पदार्थ आणले होते. खुशबूच्या डोहाळेजेवणाला शुटिंगमुळे संग्राम गैरहजर राहिला पण व्हिडीओ कॉलवरून त्याने हजेरी लावली. खुशबू आणि संग्रामने पेढ्याची वाटी निवडली. त्यानंतर सगळ्या घरातल्यांनीही पेढा कि बर्फी यापैकी एकाची निवड केली. घरात सगळ्यांना आता मुलगी हवीये असं या व्हिडिओमध्ये पाहायला मिळालं.

पाहा व्हिडीओ

मालिका सोडली

खुशबू गरोदर असल्यामुळे तिने 'सारं काही तिच्यासाठी' ही मालिका सोडली. मालिकेच्या सेटवरही छोटीशी पार्टी करत तिला निरोप देण्यात आला. तिला सेटवरील कलाकारांनी खास भेटवस्तूही दिल्या. आता मालिकेत खुशबूने साकारलेली उमाईची भूमिका पल्लवी वैद्य साकारणार आहे. तर संग्राम सध्या स्टार प्रवाहवरील 'येडं लागलं प्रेमाचं' या मालिकेत काम करतो आहे.