सबस्क्राईब करा
संजय भन्साळी दिग्दर्शित हिरामंडी ही वेबसिरीज खूप चर्चेत आहे. नेटफ्लिक्सवर गाजत असलेल्या या वेबसिरीजमधील कलाकारांच्या मुलाखती सोशल मीडियावर गाजत असतानाच अभिनेत्री शर्मीन सेहगल आणि अभिनेत्री संजिदा शेख यांच्यातील शीतयुद्धाचा व्हिडीओ सोशल मीडियावर व्हायरल झाला आहे
एका मुलाखतीमध्ये संजिदाने संजय यांचं कौतुक करताना म्हंटलं कि," ते परफेक्शनिस्ट आहेत. त्यांना सगळं साधारण दिसलेलं आवडत नाही ते जे काही करतात ते सर्वोत्तम असतं. ते त्यांच्या कलेप्रति असलेल्या प्रामाणिकपणासाठी आणि सर्जनशीलतेसाठी जगभर प्रसिद्ध आहेत. त्यांच्याकडे काम करणाऱ्या कलाकारानेही काम करताना तितकंच प्रामाणिकपणे काम करावं अशी त्यांची अपेक्षा आहे. म्हणून, मला त्यांची सगळी रूपं आवडतात."
आता संजिदाचं उत्तर पूर्ण व्हायच्या आतच शर्मीनने तिला मध्येच थांबवलं आणि म्हणाली," मला वाटतं संजय भन्साळी यांच्यासाठी परफेक्शनिस्ट हा शब्द खूप सामान्य आहे. हा एक असा शब्द आहे जो फक्त त्यांच्यासोबत कधीही काम न केलेली इंडस्ट्रीबाहेरील व्यक्ती जर त्यांच्या सेटवर आली आणि तिने काम केलं तर वापरेल. पण ते याही पेक्षा जास्त आहेत. ते प्रत्येक बदल स्वीकारतात. ते स्वतःला प्रत्येकवेळी वेगळ्या पद्धतीने आव्हान देतात आणि हे सगळं फक्त परफेक्शनमधून येत नाही. ते खरेपणा, उत्स्फूर्तता आणि जादू शोडतात. जर ते फक्त परफेक्शनिस्ट असते तर त्यांनी उत्स्फूर्तता अशी दाखवली नसती जसे ते आता दाखवतात."
या व्हिडिओमध्ये शर्मीन संजिदाचा एकप्रक्रारे आउटसायडर म्हणून अपमान करतेय असं वाटतंय. नेटकऱ्यांनीही तिच्या या वागण्यावर संमिश्र प्रतिक्रिया दिल्या आहेत. अनेकांना तिची प्रतिक्रिया आवडली नसून ती खूपच गर्विष्ठ आहे असं म्हंटलं आहे. दरम्यान संपूर्ण व्हिडिओमध्ये शर्मीनच्या उत्तरावर संजिदाने प्रतिक्रिया दिली नसली तरीही तिची चेहऱ्यावरची नाराजी लपून राहत नाही.
या आधीच्या नेटफ्लिक्सवर प्रदर्शित झालेल्या मुलाखतीत शर्मीनचा अदिती राव हैदरीबरोबरही मतभेद झाल्याचं दिसून आलं.
कलाकार असुरक्षित असतात कि नाही यावरून सगळेजण त्यांचं मत देत होते. त्यावेळी अदितीने एखाद्या कलाकारांविषयी असुरक्षित वाटणं ही खूप चुकीची गोष्ट आहे असं म्हंटलं त्यावर शर्मीनने लगेच तिला तोडत त्यात काहीच चुकीचं नाहीये. कलाकार असुरक्षित असतात. त्यात काहीच चुकीचं नाहीये असं उत्तर दिलं. तिच्या उद्धटपणामुळे अदिती नाराज झाली. तिच्या चेह-यावर नाराजी स्पष्टपणे दिसत होती. सोशल मीडियावर हाही व्हिडीओ व्हायरल झाला आहे.
दरम्यान, १ मे ला रिलीज झालेल्या या वेबसीरिजला प्रेक्षकांचा उत्तम प्रतिसाद मिळतोय. अनेकांनी या वेबसिरीजचं सोशल मीडियावर कौतुक केलं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
