Munjya : सध्या मुंज्या सिनेमामुळे अभिनेत्री शर्वरी वाघ चर्चेत आहे. तिचा हा नुकताच रिलीज झालेला हा सिनेमा सगळीकडे चांगलाच गाजतोय. सिनेविश्वात अभिनेत्री म्हणून काम सुरु करण्यापूर्वी शर्वरीने अनेक सिनेमांमध्ये असिस्टंट डायरेक्टर म्हणून काम केलं आहे. तिने बाजीराव मस्तानी या सिनेमासाठीही काम केलं आहे. नुकतंच एका मुलाखतीत तिने या सिनेमाची खास आठवण शेअर केली.
शर्वरीने तिच्या करिअरच्या सुरुवातीला 'बाजीराव मस्तानी' सिनेमासाठी असिस्टंट दिग्दर्शक म्हणून काम करत होती. फिल्मीज्ञान सिनेमाला दिलेल्या मुलाखतीत तिने सांगितलं,"मी 'बाजीराव मस्तानी' सिनेमासाठी असिस्टंट दिग्दर्शक म्हणून काम करत होते. त्यावेळी दिवानी मस्तानी या गाण्याचं शूटिंग सुरु होतं आणि गाण्यात जी दीपिकाची मोठ्या दरवाजातून एंट्री होते तो दरवाजा एंट्री उघडण्याचं काम माझ्याकडे आणि आणखी एका असिस्टंटकडे होतं त्यावेळी दीपिका आमच्याबरोबर दरवाज्याजवळ उभी होती. तिला आम्हाला काहीतरी सूचना द्यायच्या होत्या पण त्यापूर्वी तिने आमच्या दोघांचीही नावं विचारून घेतली. खरंतर ही फार छोटी गोष्ट आहे कि ती आम्हाला असंच हाक मारून सूचना देऊ शकली असती पण तिने तसं केलं नाही. तिच्या या कृतीने आम्हीही तितकेच या सेटवर महत्त्वाचे आहोत याची जाणीव आम्हाला करून दिली. मी इतकी खुश झाले घरी गेल्यावर मी सगळ्यांना सांगितलं कि दीपिकाने आज मला माझं नाव विचारलं. "
शर्वरीने 'फॉरगॉटन आर्मी' या वेबसिरीजमधून सिनेविश्वात पदार्पण केलं आणि त्यानंतर तिने 'बंटी और बबली २' या सिनेमात काम केलं. आता तिचा 'मुंज्या' हा सिनेमा रिलीज झालाय जो बॉक्स ऑफिस गाजवतोय. तर याच वर्षात तिचे 'महाराज' आणि 'वेदा' हे दोन सिनेमे प्रेक्षकांच्या भेटीस येणार आहे. यापैकी 'वेदा' या सिनेमात ती अभिनेता जॉन अब्राहम बरोबर स्क्रीन शेअर करणार आहे.
तर तिच्या वैयक्तिक आयुष्याबरोबर बोलायचं झालं तर शर्वरी विकी कौशलचा भाऊ सनी कौशलला डेट करत असल्याची चर्चा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
