Shivani Surve Wedding : शिवानी सुर्वे पुन्हा अडकणार लग्नबंधनात ! नववधूच्या वेषातील फोटो केले शेअर ; काय घडलं नेमकं ?

Star Pravah New Serial : मराठी मधील आघाडीची अभिनेत्री शिवानी सुर्वे काही महिन्यांपूर्वीच लग्नबंधनात अडकली. अभिनेता अजिंक्य ननावरेशी तिने लग्नगाठ बांधली. सोशल मीडियावर तिच्या लग्नाची बराच काळ चर्चा होती. त्यातच तिचे पुन्हा नववधूच्या वेशातील फोटो व्हायरल झाले आहेत. त्यामुळे ती पुन्हा लग्न करतेय का ? अशा चर्चा रंगू लागल्या होत्या. शिवानीचं लग्न होतंय पण मालिकेमध्ये. सध्या शिवानी स्टार प्रवाहवरील 'थोडं तुझं थोडं माझं' या मालिकेत काम करतेय आणि या मालिकेत ती साकारत असलेल्या मानसी या पात्राचं लवकरच लग्न होणार आहे.

मानसीने आजवर स्वत:च्या आनंदाचा कधीही विचार केला नाही. इतरांच्या आनंदासाठी आपण मन मारुन जगतोय हेही तिच्या लक्षात येत नाही. वडिलांचं स्वप्न पूर्ण करणं हेचं मानसीचं ध्येय आहे. तिने स्वत:साठी कधी स्वप्नं पाहिलंचं नाही. त्यामुळेच प्रेम काय लग्नानंतरही होईल असं तिचं मत आहे. त्यामुळेच वडिलांच्या इच्छेखातर शिक्षणाचं स्वप्न अर्धवट सोडून ती लग्न करायला टायर झाली आहे आपण हे लग्न तिच्या आयुष्याला कलाटणी देणार आहे.

मानसीच्या बाबांनीही आपल्या मुलींसाठी खूप स्वप्न पाहिली आहेत. वीट भट्टीतला कामगार ते वीटभट्टीचा मालक हा संघर्ष मानसीच्या बाबांनी अनुभवला आहे. त्यामुळे आपण जे भोगलं ते आपल्या मुलींच्या वाट्याला येऊ नये असं त्यांना वाटतं. म्हणूनच आपल्यापेक्षाही श्रीमंत असलेलं खानदानी स्थळ त्यांनी मानसीसाठी शोधलं आहे. आपल्या बाबांचं स्वप्न पूर्ण करण्यासाठी मानसी रणजीतसोबत लग्न करण्यास तयार झालीय. पण हे लग्न होणार का कि मानसीच्या आयुष्यात नवीन वादळ येणार हे पाहणं महत्त्वाचं ठरणार आहे.

हिरव्या रंगाची साडी, अंगावर दागिने, मुंडावळ्या या लूकमध्ये शिवानी खूप सुंदर दिसतेय. लग्नासाठी तिने केलेला हा लूक तिच्यावर शोभून दिसतोय. मानसी आणि रणजितचं लग्न या आठवड्यात स्टार प्रवाहवर पार पडणार आहे. तेव्हा पाहायला विसरू नका 'थोडं तुझं थोडं माझं' ही मालिका सोमवार ते शुक्रवार रात्री ९ वाजता फक्त स्टार प्रवाहवर.