Tapasee Pannu : तापसी पन्नू आहे बॉलिवूडची नवीन बॉक्स ऑफिस क्वीन!

Taapsee Pannu : हिंदी चित्रपटसृष्टीत मिळणारी झटपट प्रसिद्धी आणि पैसा पाहून अनेक जण या चंदेरी दुनियेत येत असतात. येथे मिळणारे ग्लॅमर त्यांना भुरळ घालीत असते, परंतु प्रत्येकाला येथे यश मिळतेच असे काही नाही. काही जण यशस्वी होतात, तर काही जण अर्ध्यावरच माघार घेतात, परंतु अभिनेत्री तापसी पन्नूने आपल्या अभिनय कौशल्याने आपली वेगळी ओळख निर्माण केली आहे.

प्रचंड मेहनत आणि जिद्दीच्या जोरावर आज ती एका शिखरावर पोहोचली आहे. अभिनेत्री म्हणून तिने आपली प्रतिभा उत्तम दाखविली आहेच शिवाय निर्माती म्हणूनही ती यशस्वी ठरली आहे. मागील दोन-चार वर्षामध्ये तिचे प्रदर्शित झालेले चित्रपट बाॅक्स ऑफिसवर यशस्वी ठरले आहेत.

नाम शबाना, थप्पड, बदला, पिंक अशा तिच्या काही चित्रपटांनी चांगली कमाई केली आहे. समीक्षकांनी तिच्या चित्रपटाचे कौतुक केले आहे. त्यामुळे सध्या तिला बाॅक्स ऑफिस क्वीन म्हणून ओळखले जात आहे. सध्या तापसीचा 'हसीन दिलरुबा २' हा सिनेमा प्रेक्षकांच्या भेटीस येतोय. या सिनेमात ती विक्रांत मेस्सी, सनी कौशल यांच्याबरोबर काम करत आहे.

मध्यंतरी तापसी तिच्या नवऱ्यामुळे चर्चेत आली होती. तापसीचा नवरा मॅथिअस बो हा ऑलिम्पिकमध्ये सहभागी झालेल्या भारतीय टीमचा बँडमिंटन कोच होता. तापसीने स्वतः याबाबत एका मुलाखतीमध्ये खुलासा केला होता. तापसीने याच वर्षी अत्यंत खासगी समारंभामध्ये मॅथिअसशी लग्न केलं.