Aditi Rao Hydari And Siddharth: प्रसिद्ध अभिनेता सिद्धार्थ (Siddharth) आणि अभिनेत्री अदिती राव हैदरी (Aditi Rao Hydari) यांनी लग्न केलं आहे, अशी चर्चे कालपासून (27 मार्च) सोशल मीडियावर होत आहे. या दोघींनी तेलंगणातील एका मंदिरात लग्न केले, असं म्हटलं जात होतं. अशातच आता सिद्धार्थ आणि अदितीनं एक खास फोटो सोशल मीडियावर शेअर केला आहे. या फोटोमध्ये दोघे अंगठी फ्लॉन्ट करताना दिसत आहेत.
सिद्धार्थ आणि अदिती यांचा साखरपुडा झाला आहे. या दोघांनी त्यांचा एक खास फोटो सोशल मीडियावर शेअर केला आहे. या फोटोमध्ये अदितीच्या बोटात डायमंड असलेली अंगठी दिसत आहे तर सिद्धार्थच्या हातात सोन्याची अंगठी दिसत आहे. सिद्धार्थ आणि अदिती एंगेज झाले आहेत. सिद्धार्थनं अदितीसोबतचा फोटो शेअर करुन कॅप्शनमध्ये लिहिलं, "तिनं होकार दिला! एंगेज"
तसेच अदितीनं देखील सिद्धार्थसोबतचा फोटो सोशल मीडियावर शेअर केला आहे. या फोटोला तिनं कॅप्शन दिलं, "त्यानं होकार दिला! एंगेज"
सिद्धार्थ आणि अदिती राव हैदरी यांनी 2021 मध्ये रिलीज झालेल्या तामिळ आणि तेलुगू या भाषेतील 'महा समुद्रम्' या चित्रपटात काम केलं. सिद्धार्थ आणि अदिती हे एकमेकांसोबतचे फोटो आणि व्हिडीओ देखील शेअर करतात. त्यांच्या डेटिंगची गेल्या काही दिवसांपासून सोशल मीडियावर चर्चा सुरु होती, अशातच आता सिद्धार्थ आणि अदिती राव हैदरी यांचा साखरपुडा झाला आहे.
अदितीची हीरामंडी ही वेब सीरिज लवकरच रिलीज होणार आहे. ही वेब सीरिज 1 मे रोजी ओटीटी प्लॅटफॉर्मवर रिलीज होणार आहे. या वेब सीरिजमध्ये मनीषा कोईराला,सोनाक्षी सिन्हा, रिचा चढ्ढा,संजीदा शेख,शर्मीन सेगल यांनी प्रमुख भूमिका साकारली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
