Ajay Devgan & Tabu : 'दृश्यम' नंतर अजय तब्बू पुन्हा एकत्र; नव्या सिनेमाचा टीझर चर्चेत

'दृश्यम' या गाजलेल्या सिनेमानंतर अभिनेता अजय देवगण आणि अभिनेत्री तब्बू पुन्हा एकदा नव्या सिनेमातून प्रेक्षकांच्या भेटीस येणार आहेत. 'औरों में कहा दम था' असं या सिनेमाचं नाव असून या सिनेमाचा टीझर नुकताच सोशल मीडियावर रिलीज करण्यात आला.

सिनेमाच्या टीझरने वेधलं लक्ष:

एकमेकांच्या प्रेमात असलेले अजय आणि तब्बू एकमेकांपासून स्वतःच्याच चुकीमुळे दुरावतात अशी या सिनेमाची कथा आहे. सिनेमाचं टीझर अजयच्या आवाजाने सुरु होतो. अजय त्यांची लव्हस्टोरी टीझरमध्ये कवितेतून व्यक्त करत असून तब्बू आणि अजय एकमेकांना मिठी मारताना दिसतायत त्यानंतर अजय कोणाला तरी मारताना दिसत असल्याचं या टीझर मध्ये पाहायला मिळतंय. 'दुष्मन थे ही अपने औरों में कहा दम था' असं कॅप्शन या टीझरला देण्यात आलं आहे.

पहा टीझर:

टीझर पाहून प्रेक्षक उत्सुक

सिनेमाचा टीझर चाहत्यांना आवडला असून अनेकांनी कमेंट्स करत हा सिनेमा बघण्यासाठी ते उत्सुक आहेत अशा कमेंट्स केल्या आहेत. तर सेलिब्रिटीजनीही कमेंट करत अजयला या सिनेमासाठी शुभेच्छा दिल्या आहेत.

'ही' आहे सिनेमाची टीम

या सिनेमात अजय आणि तब्बू व्यतिरिक्त जिमी शेरगील, शंतनू महेश्वरी आणि सई मांजरेकर यांची मुख्य भूमिका आहे तर नीरज पांडे यांनी या सिनेमाचं दिग्दर्शन केलं आहे. ही फिल्म एक म्युझिकल फिल्म असणार आहे. २३ वर्षांत घडलेली एक प्रेमाची गोष्ट या सिनेमात पाहायला मिळेल. या शिवाय अनेक भाषांमध्ये ही फिल्म रिलीज होणार आहे. ५ जुलै २०२४ ला हा सिनेमा रिलीज होणार आहे.

तब्बू आणि अजयने केलंय या सिनेमात काम

अजय आणि तब्बू यांनी या आधी अनेक सिनेमांमध्ये एकत्र काम केलं आहे. 'विजयपथ', 'हकीकत', 'तक्षक', 'दृश्यम', 'गोलमाल अगेन', 'दे दे प्यार दे दे', 'दृश्यम २' आणि 'भोला' या सिनेमात ते काम केलं आहे.

अजय या बरोबरच 'सिंघम अगेन' या सिनेमातून प्रेक्षकांच्या भेटीस येतोय. तर तब्बू 'ड्यून: प्रॉफेसी' या सिनेमातून प्रेक्षकांच्या भेटीस येणार आहेत तर तिचा 'क्रू' हा सिनेमा खूप गाजला.