Amitabh Bachchan & Rajinikanth : अनंत आणि राधिका मर्चंटच्या राजेशाही लग्नानंतर त्यांचा शुभ आशीर्वाद हा कार्यक्रमही थाटात पार पडला. या कार्यक्रमाला अनेक दिग्गजांनी हजेरी लावत नवविवाहित दाम्पत्याला शुभेच्छा दिल्या. अभिनेते अमिताभ बच्चन आणि थलाईवा रजनीकांत यांनीही या कार्यक्रमाला हजेरी लावली होती. या दोघांचा एक व्हिडीओ सोशल मीडियावर व्हायरल झाला आहे.
इंस्टाग्रामवर या सभारंभाची एक व्हिडीओ क्लिप व्हायरल होतेय. या व्हिडिओमध्ये रजनीकांत बिग बींच्या पायाला स्पर्श करून त्यांचे आशीर्वाद घेण्याचा प्रयत्न करतात तेव्हा अमिताभ यांनी त्यांच्या हाताला पकडून त्यांना वर उचललं आणि त्यांना मिठी मारली. या दोघांच्याही या कृतीच कौतुक होत आहे. रजनीकांत आणि अमिताभ यांचा नम्रपणा आणि एकमेकांविषयी वाटणारा आदर या व्हिडिओमध्ये पाहायला मिळतोय.
अमिताभ यांनी रंगीबेरंगी शेरवानी यावेळी घातली होती तर रजनीकांत यांनी पांढऱ्या रंगाचा सदरा आणि लुंगी असा दाक्षिणात्य पद्धतीचा पोशाख केला होता. त्यांचा हा व्हिडीओ चांगलाच व्हायरल झाला असून अनेकांनी कमेंट करत त्यांच्या नम्रपणाचं कौतुक केलं.
या सोहळ्यात अमिताभ आणि रजनीकांत यांच्याबरोबरच अमिताभ यांची सून ऐश्वर्या, नात आराध्या आणि नव्या नवेली सहभागी झाले होते. या व्यतिरिक्त सलमान खान, शाहरुख खान, सुहाना खान, सारा अली खान, शाहिद कपूर, अर्जुन कपूर, रणबीर कपूर, आलिया भट्ट, संजय दत्त, अजय देवगण, हेमामालिनी, शनाया कपूर, दिशा पटनी, ख़ुशी कपूर, सचिन तेंडुलकर, सानिया मिर्झा, मेरी कोम हे सेलिब्रिटीजही सहभागी झाले होते.
आज अनंत-राधिकाच्या लग्नाचा शेवटचा कार्यक्रम पार पडणार आहे. शुभ उत्सव असं या कार्यक्रमाचं नाव असून या कार्यक्रमाच्या निमित्ताने एक पार्टी आणि रिसेप्शन जिओ कॉनव्होकेशन सेंटरमध्ये पार पडणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
