Amitabh Bachchan BJP Aaditya Thackeray : सध्या देशभरात लोकसभा निवडणुकीचे वारे वाहात आहेत. अशातच पक्ष एकमेकांवर आरोप-प्रत्यारोप करताना दिसत आहेत. अशताच आता नुकतेच अमिताभ बच्चन (Amitabh Bachchan) यांनी एक ट्वीट शेअर केलं आहे. या ट्वीटमुळे नव्या राजकीय वादाला सुरुवात झाली आहे. अमिताभ बच्चन यांच्या या ट्वीटनं अनेकांचे लक्ष वेधले आहे.
बिग बी यांनी ट्वीटमध्ये लिहिलं, "अरेरे! कामाला निघालो...सी लिंक नंतर कोस्टल रोड आणि अंडरग्राउंड टनल.. JVPD, जुहू ते मरीन ड्राइव्ह, 30 मिनिटे! वाह ! क्या बात है ! स्वच्छ रस्ता आणि कोणताही अडथळा नाही."
बिग बी यांनी शेअर केलेल्या कोस्टल रोडच्या ट्वीटला बीजेपीनं रिप्लाय केला, "आज हमारे पास ‘कोस्टल रोड’ है… धन्यवाद अमिताभ बच्चन जी, धर्मवीर स्वराज्य रक्षक छत्रपती संभाजी महाराज मुंबई कोस्टल रोड टनल मधून तुम्ही प्रवास केलात याचा आम्हाला आनंद आहे. देशाचे आदरणीय पंतप्रधान नरेंद्र मोदीजींच्या नेतृत्वात आणि राज्याचे विकासपुरुष उपमुख्यमंत्री देवेंद्रजी फडणवीस यांच्यामुळेच मुंबईकरांचा प्रवास वेगवान होतोय. भविष्यातदेखील मुंबईकरांना आणि राज्यातील जनतेला उत्तम दर्जाचे रस्ते आणि पायाभूत सोयीसुविधा मिळणार हीच मोदीजींची गॅरंटी."
भाजपच्या या ट्वीटवर आदित्य ठाकरे यांनी टीका केली आहे. त्यांनी ट्वीटमध्ये लिहिलं की, कोस्टल रोड प्रकल्पाशी भाजपचा काहीही संबंध नाही. त्यांनी ट्वीटमध्ये कोस्टल रोडबाबत माहिती दिली आहे. त्यांनी ट्वीटमध्ये लिहिलं,"कोस्टल रोडचे श्रेय भाजप महाराष्ट्राने घेतले हे पाहणे हास्यास्पद आहे.कोस्टल रोड हा एक प्रकल्प आहे ज्याच्याशी भाजपचा काहीही संबंध नाही, शिवाय त्यांनी केंद्रीय पर्यावरण मंत्रालयाची परवानगी घेण्यासाठी 2 वर्ष उशिर केला. कोस्टल रोड प्रोजेक्टची घोषणा आणि अंमलबजावणी श्री उद्धव बाळासाहेब ठाकरे यांनी केली होती. स्वत:हून न केलेल्या कामांसाठी नेहमीप्रमाणेच श्रेयासाठी हताश असलेल्या भाजपने अमिताभ बच्चन सरांचे ट्वीट रिट्वीट केलं."
"भाजप श्रेय घेण्याचा प्रयत्न करू शकतो, पण हे घडवून आणणारे उद्धव बाळासाहेब ठाकरे आहेत हे मुंबईकरांना माहीत आहे.", असंही उद्धव ठाकरेंनी ट्वीटमध्ये लिहिलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
