सबस्क्राईब करा
Ankit Mohan : अभिनेता अंकित मोहन त्याने साकारलेल्या ऐतिहासिक भूमिकांसाठी ओळखला जातो. त्याच्या अनेक ऐतिहासिक भूमिका गाजल्या आहेत आणि आता अंकित एका वेगळ्या भूमिकेतून प्रेक्षकांच्या भेटीस येतोय. त्याचा 'बाबू' हा सिनेमा लवकरच रिलीज होणार आहे. या सिनेमाचं नुकतंच मोशन पोस्टर रिलीज करत सिनेमाची रिलीज डेट जाहीर करण्यात आली.
अस्सल आगरी कोळी भाषेत आपला जलवा दाखवाणारा स्टायलिश बाबू प्रेक्षकांच्या भेटीस येणार आहे. ‘बाबू नाय, बाबू शेठ…’ असणाऱ्या ‘बाबू’ची स्टाईलच निराळी असून बाबूची भूमिका साकारणारा अंकित मोहन या चित्रपटात एका वेगळ्याच भूमिकेत दिसणार आहे. ‘बाबू’ची ही झलक नुकतीच सोशल मीडियावर शेअर करण्यात आली. सिनेमाच्या मोशन पोस्टरवर रेतीचा ट्र्क आणि पिवळ्या रंगाची बाईक दिसत असून त्याच्यासमोर उभा राहिलेल्या डॅशिंग बाबू दिसतोय. पांढरा शर्ट, पांढरी पॅण्ट, गळ्यात आणि हातात सोन्याचे दागिने अशा अंकितच्या लूकने सगळ्यांचं लक्ष वेधून घेतलं.
हा सिनेमा ॲक्शनपट असून एक लव्हस्टोरीही या सिनेमात प्रेक्षकांना पाहायला मिळणार आहे. श्री समर्थ कृपा प्रोडक्शन प्रस्तुत 'बाबू' या चित्रपटाची निर्मिती सुनीता बाबू भोईर, बाबू कृष्णा भोईर यांनी केली आहे. तर या चित्रपटाचे लेखन आणि दिग्दर्शनाची धुरा मयूर मधुकर शिंदे यांनी सांभाळली आहे.
या सिनेमाविषयी सिनेमाचे दिग्दर्शक मयूर शिंदे म्हणाले कि,"मराठी चित्रपटात भावनिकता, विनोद, कमाल कथा या सगळ्यांचा समावेश असतोच परंतु 'बाबू' चित्रपटातून जबरदस्त ॲक्शन, स्टाईल, यांचा धमाकेदार संगम प्रेक्षकांना पाहायला मिळणार आहे. त्यात अंकित मोहन सारखा जबरदस्त हिरो असल्याने हा ‘बाबू’ अधिकच रंगला आहे."
अतिशय भन्नाट मोशन पोस्टर असलेला हा सिनेमा २ ऑगस्टला रिलीज होणार असून या सिनेमात अंकितबरोबर नेहा महाजन आणि रुचिरा जाधव यांच्या मुख्य भूमिका आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
