Anurag Kashyap: "मला भेटायचं असेल तर 15 मिनिटांसाठी एक लाख आणि एक तासासाठी..."; अनुराग कश्यपच्या पोस्टनं वेधलं लक्ष

Anurag Kashyap: बॉलिवूडमधील प्रसिद्ध चित्रपट निर्माता आणि दिग्दर्शक अनुराग कश्यप (Anurag Kashyap) हा त्याच्या चित्रपटांनी प्रेक्षकांची मनं जिंकत असतो. अनुरागचा चाहता वर्ग मोठा आहे. त्याच्या आगामी चित्रपटांची प्रेक्षक उत्सुकतेने वाट बघत असतात. अनुराग अनेक न्यू कमर्सला चित्रपटांमध्ये काम करण्याची संधी देतो, अशातच आता अनुरागनं न्यू कमर्सबाबतीत तसेच त्याला भेटायला येणाऱ्या लोकांच्याबाबतीत एक खास पोस्ट शेअर केली आहे. त्याच्या या पोस्टनं अनेकांचे लक्ष वेधले आहे.

अनुरागची पोस्ट

अनुरागनं इन्स्टाग्रामवर एक पोस्ट शेअर केली आहे. या पोस्टमध्ये त्यानं लिहिलं, "मी न्यू कमर्सला मदत करण्याचा प्रयत्न करुन स्वत:चा बराच वेळ वाया घालवला आहे. त्यामुळे आता यापुढे मी माझा वेळ कोणत्याही लोकांना भेटण्यात वाया घालवू इच्छित नाही, ज्यांना वाटते की ते खूप क्रिएटिव्ह आहेत. त्यामुळे मी आता काही दर ठरवले आहेत.जर कोणाला मला भेटायचे असेल तर मी 10-15 मिनिटांसाठी एक लाख घेणार, अर्ध्या तासासाठी 2 लाख आणि 1 तासासाठी 5 लाख रुपये घेणार. मी वेगवेगळ्या लोकांना भेटून थकलो आहे. तुम्हाला जर हे दर परवडत असतील तर मला कॉल करा आणि मी पैसे अॅडव्हान्स घेणार आहे."

"आणि मला मेसेज किंवा कॉल करू नका. पैसे द्या आणि माझा वेळ घ्या. मी चॅरटी करायला नाहीये. मी आता शॉर्टकट शोधणाऱ्या लोकांना कंटाळलो आहे.", असंही अनुरागनं पोस्टमध्ये लिहिलं.

अनुरागच्या पोस्टवर नेटकऱ्यांच्या कमेंट्स

नेटकऱ्यांनी अनुरागच्या या हटके पोस्टवर लाइक्स आणि कमेंट्सचा वर्षाव केला आहे. एका नेटकऱ्यानं अनुरागच्या पोस्टला कमेंट केली, "ही तुझ्या आगामी चित्रपटाच्या प्रमोशनची स्क्रिप्ट आहे का?" तर दुसऱ्या युझरनं कमेंट केली, "सर, लोनसाठी अप्लाय करुन तुमच्यासोबत बोलतो."

अनुरागचे चित्रपट

अनुरागनं दिग्दर्शित केलेल्या ब्लॅक फ्रायडे, देव डी, गुलाल, दॅट गर्ल ईन यलो बुट्स आणि गॅंग्स ऑफ वासेपूर या चित्रपटांना प्रेक्षकांची पसंती मिळाली.एके वर्सेस एके या चित्रपटात अनुरागनं काम देखील केलं आहे.