Avinash Narkar And Aishwarya Narkar: अभिनेता अविनाश नारकर (Avinash Narkar) आणि अभिनेत्री ऐश्वर्या नारकर (Aishwarya Narkar) हे सोशल मीडियावर विविध पोस्ट शेअर करतात. नुकतेच ऐश्वर्या आणि अविनाश यांनी एक लाइव्ह केलं आहे. या लाइव्हमध्ये ऐश्वर्या आणि अविनाश यांनी ट्रोल करणाऱ्यांना सडेतोड उत्तर दिलं आहे.
ऐश्वर्या आणि अविनाश हे दोघे वेकेशनसाठी गेले आहेत. वेकेशन एन्जॉय करत असताना ऐश्वर्या आणि अविनाश यांनी एक इन्स्टाग्राम लाइव्ह केलं. या लाइव्हमध्ये ऐश्वर्या आणि अविनाश यांनी चाहत्यांसोबत संवाद साधला. यावेळी ऐश्वर्यानं तिला आणि अविनाशला ट्रोल करणाऱ्यांना सडेतोड उत्तर दिलं आहे. इन्स्टाग्रामवरील लाइव्हमध्ये ऐश्वर्या म्हणते, "आम्हाला खूप ट्रोल केलं जातं. आम्हाला युट्यूबवर पण खूप लोक ट्रोल करतात. त्यामुळे मी युट्यूबचं कमेंट सेक्शन बंद केलं आहे. कारण मला असं वाटतं की, अचकट विचकट कमेंट न वाचलेल्या बऱ्या, त्यामुळे मी कमेंट्स बंद केल्या आहेत. अविला डान्स करायला खूप आवडतं. त्यामुळे आम्ही डान्स करतो."
पुढे अविनाश म्हणतात, "दिवसातला सर्व स्ट्रेस आमचा रिल केल्यानंतर जातो. आम्ही रिल आमच्या आनंदासाठी करतो."
ऐश्वर्या तिला ट्रोल करणाऱ्यांना म्हणते, "तुमचं वय काय आहे आणि तुम्ही करताय काय? असं म्हणून अनेकवेळा लोक आम्हाला ट्रोल करतात. वय झालं तुमचं, हे शोभतं का तुम्हाला, प्लिज असं मला कधीच म्हणू नका. असं काही नसतं, आपल्याला आयुष्याच्या ज्या टप्प्यावर जे करावं वाटतं ते आपण करु शकतो."
ऐश्वर्या आणि अविनाश हे अनेकवेळा त्यांचे डान्सचे आणि कॉमेडी व्हिडीओ सोशल मीडियावर शेअर करतात. त्यांच्या व्हिडीओला नेटकऱ्यांची पसंती मिळते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
