Bharti Singh: कॉमेडी क्विन भारती सिंह (Bharti Singh) ही तिच्या विनोदी शैलीनं प्रेक्षकांची मनं जिंकते. भारती ही युट्यूबवर तिचे व्लॉग शेअर करत असते. या व्लॉगच्या माध्यमातून ती प्रेक्षकांचे मनोरंजन करते. नुकताच भारतीनं एक व्लॉग युट्यूबवर शेअर केला आहे. या व्लॉगच्या माध्यमातून भारतीनं तिच्या तब्येतीची माहिती चाहत्यांना दिली आहे. भारतीची अचानक तब्येत बिघडली आहे. त्यामुळे तिला रुग्णालयात दाखल करण्यात आलं आहे.
भारतीने तिच्या व्लॉगमध्ये सांगितलं की, गेल्या तीन दिवसांपासून तिचं पोटात दुखत होते. तिला असह्य वेदना झाल्या. त्यानंतर तिची टेस्ट करण्यात आली. पित्ताशयात खडा झाल्याचं या टेस्टच्या रिपोर्टमधून तिला कळालं.
भारतीनं व्लॉगमध्ये सांगितलं आहे की, शस्त्रक्रिया हा एकमेव उपाय आहे . माझ्याकडे शस्त्रक्रिया करण्याशिवाय दुसरा पर्याय नाही. भारतीनं व्लॉगद्वारे चाहत्यांना सांगितलं की, जर तुम्हाला कधीही असह्य पोटदुखी होत असेल तर ताबडतोब डॉक्टरांकडे जावे.
व्लॉगमध्ये तब्येतीचे अपडेट देताना भारती भावूक झाली होती. गेल्या तीन दिवसांपासून माझी तब्येत बिघडल्यानं मी कोणालाही झोपू दिले नाही, असंही भारतीनं व्लॉगमध्ये सांगितलं.
व्लॉगमध्ये मुलाबद्दल बोलताना भारती म्हणाली, "मी रात्री उशिरा 10-11 च्या सुमारास रुग्णालयात गेले आणि त्यावेळी माझा मुलगा गोला गाढ झोपला होता. गोला मला घरी शोधत आहे."
भारती सिंहने द ग्रेट इंडियन लाफ्टर चॅलेंज या शोमधून स्टँड-अप कॉमेडियन म्हणून करिअरला सुरुवात केली. कॉमेडी सर्कस, कॉमेडी नाईट्स बचाओ, द कपिल शर्मा शो आणि झलक दिखला जा 5 यांसारख्या शोमध्ये भारतीनं सहभाग घेतला.
2017 मध्ये भारतीनं हर्ष लिंबाचियाशी लग्न केले. 2022 मध्ये भारतीनं मुलाला जन्म दिला, त्याचे नाव लक्ष लिंबाचिया असं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
