Vikrant Massey Film: '12वी फेल' (12th Fail) या चित्रपटामुळे अभिनेता विक्रांत मेस्सीला (Vikrant Massey ) विशेष लोकप्रियता मिळाली. या चित्रपटातील त्याच्या अभिनयाचं अनेकांनी कौतुक केलं. अशातच आता विक्रांतच्या एका नव्या चित्रपटाची घोषणा करण्यात आली आहे. या चित्रपटाचं नाव 'ब्लॅकआऊट' (Blackout) असं आहे. नुकताच 'ब्लॅकआऊट' या चित्रपटाचा टीझर रिलीज करण्यात आला आहे. या टीझरला सध्या नेटकऱ्यांची पसंती मिळत आहे.
ब्लॅकआऊट या चित्रपटाच्या टीझरच्या सुरुवातीला अनिल कपूर यांचा "वक्त बदलने वाला है!" हा डायलॉग ऐकू येतो. या टीझरमध्ये विक्रांत मेस्सी हा एक गाडी चालवताना दिसत आहे. त्या गाडीची धडक दुसऱ्या गाडीला होते, त्यानंतर विक्रांतच्या गाडीमधील सर्व सामान बाहेर पडते. त्या सामानात पैसे, सोन्याचे दागिने असतात. हे पाहून विक्रांत आश्चर्यचकित होतो. त्यानंतर टीझरमध्ये पुढे मौनी रॉय आणि सुनील ग्रोवर यांची देखील झलक बघायला मिळते.
सोशल मीडिया इन्फ्लुएन्सर सौरभ घाडगे और करण सोनावणे हे देखील ब्लॅकआऊट या चित्रपटाच्या टीझरमध्ये दिसत आहेत. त्यामुळे आता प्रेक्षक या चित्रपटाची उत्सुकतेने वाट बघत आहेत.
ज्योती देशपांडे आणि नीरज कोठारी यांनी ब्लॅकआऊट या चित्रपटाची निर्मिती केली आहे. तर देवांग भावसारने या चित्रपटाचे दिग्दर्शन केलं आहे. हा चित्रपट 7 जून, 2024 रोजी जिओ सिनेमावर रिलीज होणार आहे.
ब्लॅकआऊट या चित्रपटासोबतच लवकरच विक्रांतचा 'द साबरमती रिपोर्ट' हा चित्रपट देखील प्रेक्षकांच्या भेटीला येणार आहे. या चित्रपटात विक्रांतसोबत राशी खन्ना देखील प्रमुख भूमिका साकारणार आहे. या चित्रपटाचा टीझर काही दिवसांपूर्वी रिलीज करण्यात आला होता. या टीझरला प्रेक्षकांचे प्रचंड प्रेम मिळाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
