सबस्क्राईब करा
बॉलिवूडमधील एक रोमँटिक क्लासिक सिनेमा म्हणजे 'मैंने प्यार किया'. सूरज बडजात्या यांचं दिग्दर्शन आणि सलमान खान, भाग्यश्री यांची मुख्य भूमिका असलेला हा सिनेमा खूप गाजला. नुकतंच बॉलिवूड मधील आघाडीचे गीतकार आणि अभिनेते पियुष मिश्रा यांनी या सिनेमाबाबत एक महत्त्वाचा खुलासा केला.
पियुष मिश्रा यांनी नुकतंच झूमला दिलेल्या मुलाखतीत खुलासा केला कि,"जेव्हा मी एनएसडीमध्ये अभिनयाचं शिक्षण घेत होतो तेव्हा सूरज बडजात्यांचे वडील यांच्या डोक्यात आधी माझं नाव आलं होत. त्यावेळी सिनेमाची तयारी सुरु होती. आमची प्राथमिक बोलणी झाली तेव्हा सिनेमाविषयीची कोणतीही योजना तयार नव्हती.हे जेव्हा घडलं तेव्हा मी तिसऱ्या वर्षाला शिकत होतो पण नंतर गोष्टी बदलल्या. त्यावेळी माझ्या डोक्यात आता मी स्टार होईन वगैरे असं काही नव्हतं. "
"त्यानंतर बऱ्याच गोष्टी मध्ये घडल्या. मी मुंबईला या सिनेमाचं ऑडिशन देण्यासाठी येणार होतो. पण मला असं वाटतं कि, अजून बऱ्याच लोकांना या सिनेमासाठी विचारलं असेल. "
पण पुढे गोष्टी बदलल्या आणि सलमानची प्रेम या भूमिकेसाठी निवड झाली. यावर पियुष यांनी म्हंटल कि ते ही भूमिका सलमान किंवा मी कोणी चांगली साकारली असती यावर वाद घालून ते थकलेत. "सलमानने ही भूमिका उत्तम साकारलीय आणि मला वाटतं त्याची निवड झाली हे बरं झालं. मी हे स्टारडम सांभाळू शकलो नसतो." असं त्यांनी म्हंटलं.
सलमान खान आणि भाग्यश्री यांची मुख्य भूमिका असलेला मैने प्यार किया हा सिनेमा सुपरहिट झाला. सलमान आणि भाग्यश्रीची जोडी तर गाजलीच पण या बरोबरच या सिनेमातील गाणीही लोकप्रिय ठरली. अजूनही या सिनेमातील गाणी प्रेक्षक आवर्जून ऐकतात.
या दोघांव्यतिरिक्त या सिनेमात आलोक नाथ, रीमा लागू, राजीव वर्मा, अजित वच्छानी, मोहनीश बहल यांची या सिनेमात मुख्य भूमिका होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
