Brad Pitt: वयाच्या 60 व्या वर्षी तिसऱ्यांदा लग्न करणार 'हा' अभिनेता? सहा मुलं झाल्यानंतर घेतला होता अभिनेत्रीसोबत घटस्फोट

Brad Pitt: हॉलिवूडमधील प्रसिद्ध अभिनेता ब्रॅड पिट (Brad Pitt) हा त्याच्या वैयक्तिक आयुष्याबद्दल सध्या चर्चेत आहे. ब्रॅड हा लवकरच तिसऱ्यांदा लग्न करणार आहे, अशी चर्चा सोशल मीडियावर होत आहे. ब्रॅड हा गर्लफ्रेंड इनेस डी रेमनसोबत (Ines De Ramon) लग्न करणार आहे, असं म्हटलं जात आहे.

ब्रॅड 60 व्या वर्षी करणार लग्न?

60 वर्षाच्या ब्रॅड हा लवकरच लग्न करणार असल्याची चर्चा सध्या सोशल मीडियावर होत आहे. सूत्राने सांगितलं की, 'लाइफ अँड स्टाईल'ला सांगितले की, "ब्रॅड पिट हा त्याच्या गर्लफ्रेंडला प्रपोज करणार आहे, असं म्हटलं जात आहे. हे कधीही घडू शकते. ब्रॅड हा इनेससोबत खूप आनंदी आहे."

कोण आहे ब्रॅड पिटची पहिली पत्नी?

ब्रॅड पिटने 2000 मध्ये अभिनेत्री जेनिफर ॲनिस्टनशी लग्न केले.जेनिफरला 'फ्रेंड्स' या मालिकेमुळे विशेष लोकप्रियता मिळाली. 'मिस्टर अँड मिसेस स्मिथ'च्या शूटिंगदरम्यान ब्रॅड अँजेलिना जोलीच्या प्रेमात पडला. त्यानंतर तो 2005 मध्ये जेनिफरसोबत विभक्त झाला.

अँजेलिना जोली आणि ब्रॅडला आहेत सहा मुलं

अनेक वर्षे एकमेकांना डेट केल्यानंतर अँजेलिना जोली आणि ब्रॅडनं 2014 मध्ये लग्न केले. ब्रॅड आणि अँजेलिना जोली यांना मॅडॉक्स, झाहारा, पॅक्स, शिलोह, आणि जुळी मुले नॉक्स आणि व्हिव्हियन अशी एकूण सहा मुलं आहेत.

अँजेलिना जोलीनं ब्रॅडवर केले गंभीर आरोप

लग्नाच्या काही वर्षानंतर अँजलिना आणि ब्रॅडच्या नात्यात दुरावा आला. अँजेलिनाने ब्रॅडवर मुलांसमोर शारीरिक हल्ला केल्याचा आरोप केला होता. 2019 मध्ये अँजलिना आणि ब्रॅड हे विभक्त झाले.