सबस्क्राईब करा
सबस्क्राईब करा
अभिनेता कार्तिक आर्यनच्या आगामी 'चंदू चॅम्पियन' सिनेमाची चर्चा सगळीकडे आहे. सिनेमाचा ट्रेलर सगळीकडे गाजत असून नुकतंच या सिनेमाचं पहिलं गाणं सोशल मीडियावर रिलीज करण्यात आलं. सत्यानास असं या गाण्याचं नाव असून अल्पावधीतच हे गाणं सोशल मीडियावर ट्रेंडमध्ये आलंय.
कबीर खान दिग्दर्शित 'चंदू चॅम्पियन' या सिनेमातील हे नवीन गाणं 'सत्यानास' या गाण्याची तुलना फरहान अख्तरच्या 'भाग मिल्खा भाग' सिनेमातील 'मस्तो का झुंड' या गाण्याशी केली जात आहे. या गाण्यात कार्तिकने घातलेले कपडे ते डान्समधील काही स्टेप्स आणि गाण्याचं संगीत शंकर एहसान लॉय यांनी संगीतबद्ध केलेल्या गाण्याची आठवण करून देतात.
चालू ट्रेनमध्ये कार्तिक त्याच्या मित्रांसोबत डान्स करताना दाखवण्यात आलं असून भारतीय सैन्याच्या प्रवासातील हे गाणं असावं असा अंदाज आहे. प्रीतम चक्रवर्ती यांनी हे गाणं संगीतबद्ध केलं आहे. या गाण्याच्या काही स्टेप्स शाहिद कपूरच्या गाजलेल्या 'गंदी बात' गाण्यातील स्टेप्सची आठवण करून देत आहेत. अरिजित सिंहने हे गाणं गायलं आहे.
परवा कार्तिकने गाण्याचा टीझर सोशल मीडियावर शेअर करत हे गाणं २४ मे ला रिलीज होणार असल्याची बातमी शेअर केली होती. 'Time for some Mauj 👊🏻The joy of dancing on the rooftop of a train' (मजा करण्याचा वेळ, ट्रेनच्या छतावर डान्स करण्याची मजा) असं कॅप्शन कार्तिकने या व्हिडिओला दिलं आहे.
'चंदू चॅम्पियन' सिनेमाच्या ट्रेलरची चर्चा सगळीकडे आहे. ट्रेलरला आतापर्यंत १२ मिलियन व्ह्यूज मिळाले आहेत ३ लाखाहून अधिक व्ह्यूज मिळाले आहेत. हा सिनेमा पॅरालिम्पिक चॅम्पियन मुरलीकांत पेटकर यांच्या आयुष्यावर आधारित आहे. चित्रपटामध्ये मुरलीकांत पेटकर यांच्या जीवनातील विविध टप्पे दाखवण्यात आले आहे. त्यामुळे ट्रेलरमध्ये कार्तिक आर्यन हा विविध लूकमध्ये दिसतो.
ट्रेलरची सुरुवात विजयराज यांच्या आवाजानं होते, ज्यामध्ये ते मुरलीकांत पेटकरची कथा सांगतात. भारतीय सैन्याचा भाग असलेल्या मुरलीकांत पेटकर यांना युद्धादरम्यान 9 गोळ्या लागल्या होत्या. हे चित्रपटाच्या ट्रेलरमध्ये दाखवण्यात आलं आहे. त्यांचा बालपणाबद्दल तसेच भारतीय सैन्यात भरती होण्यापासून ते ऑलिम्पिकपर्यंतचा प्रवास दाखवण्यात आला आहे.
या सिनेमात कार्तिक सोबत विजयराज, राजपाल यादव, हेमांगी कवी, पलक लालवानी यांचीही मुख्य भूमिका आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
