९Nikhil Patel on Dalljeit Kaur : गेल्या काही काळापासून अभिनेत्री दलजित कौर (Dalljeit Kaur) तिच्या पतीशी सुरु असलेल्या वादामुळे चर्चेत आहे. दलजितने निखिल पटेल (Nikhil Patel) या बिझनेसनशी दुसरं लग्न केलं होतं पण तिचं हे लग्नही मोडलं असून तिच्या नवऱ्याने त्यांच्यात आता कोणतंही नातं उरलं नसल्याचं स्पष्ट केलं.
सोशल मीडियावर दलजितने पोस्टच्या माध्यमातून तिच्या नवऱ्याचे विवाहबाह्य संबंध असल्याची हिंट दिली होती तर निखिलने ई टाइम्सला मुलाखत देत त्यांचं नातं संपलं असल्याचं जाहीर केलं होतं. या सगळ्या गोष्टीची चर्चा असतानाच निखिलने दलजितला कायदेशीर नोटीस पाठवलीये.
निखिलने पाठवलेल्या नोटीसनुसार भारतीय दंड संहिता, सूचना प्रौद्योगिकी अधिनियम २००० (भारत) आणि यौन अपराधांपासून मुलांचं संरक्षण अधिनियम २०१० च्या नुसार, सोशल मीडियावर दलजितने त्यांच्यावर केलेला विवाहबाह्य संबंधाचा आरोप चुकीचा आहे आणि दलजितच्या या आरोपांमुळे निखिल कायदेशीर कारवाईत अडकू शकतो.
ई टाईम्सने दिलेल्या वृत्तानुसार, "जगात राहणारा एक सामान्य नागरिक म्हणून हे खूप त्रासदायक आहे कि भारतात आणि जगभरातील ऑनलाईन प्रोटेक्शन कायद्यांची कमी असल्यामुळे लोकं याचा फायदा घेतात आणि सोशल मीडियावर प्रसिद्धी मिळवण्यासाठी काहीही पोस्ट करतात. यामुळे अनेक महिला आणि निरागस मुलंही अडचणीत येऊ शकतात. या घटनेत सहभागी असणाऱ्या लोकांचे व्हिडीओज आणि फोटो त्यांच्या परवानगीशिवाय शेअर करणं बेजबाबदारपणाचं लक्षण आहे." असं निखिलने नोटीसमध्ये सांगितलं आहे.
रिपोर्टनुसार, निखिलने दलजितला हे सुद्धा सांगितलंय कि जूनपर्यंत तिने तिचं केनियामधील घरात असलेलं सामान घेऊन जावं नाहीतर तो तिथे असलेल्या एका ट्रस्टला दान करेल. निखिलच्या टीमने हे ही सांगितलंय कि, यापुढे तो कोणत्याही प्रकारचा त्रास सहन करणार नाही आणि दलजितने हे सुरु ठेवलं तर तिच्यावर सक्त कायदेशीर कारवाई करण्यात येईल.
काही महिन्यांपूर्वीच दलजित तिच्या मुलासोत भारतात परत आली आणि काही काळाने त्या दोघांनीही सोशल मीडियावरून त्यांच्या लग्नाचे फोटो डिलीट केले आणि एकमेकांना अनफॉलो केलं. त्यानंतर त्यांच्या घटस्फोटाच्या चर्चा सुरु झाल्या.
आता काही दिवसांपूर्वीच दलजितने तिच्या नवऱ्याचे विवाहबाह्य संबंध असल्याचा आरोप केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
