Dalljiet Kaur: दलजीत कौरचा दुसरा संसारही मोडला? पतीच्या एक्स्ट्रा मॅरिटल अफेअरची चर्चा, पोस्ट शेअर करत अभिनेत्री म्हणाली, "तू आता निर्लज्जपणे..."

Dalljiet Kaur: प्रसिद्ध अभिनेत्री दलजीत कौर (Dalljiet Kaur) ही सध्या तिच्या वैयक्तिक आयुष्यामुळे चर्चेत आहे. गेल्या वर्षी दलजीतनं केनियास्थित उद्योगपती निखिल पटेलसोबत (Nikhil Patel) लग्नगाठ बांधली. पण लग्नाच्या 10 महिन्यांनंतर दलजीत आणि निखिल यांच्यात वाद निर्माण झाले आहेत. दलजीत ही भारतात परतली आहे. अशातच आता दलजीत आणि निखिल यांच्या घटस्फोटाची चर्चा सोशल मीडियावर होत आहे. या चर्चेदरम्यान दलजीतनं नुकतीच एक पोस्ट शेअर केली आहे. या पोस्टमध्ये दलजीतनं पतीच्या एक्स्ट्रा मॅरिटल अफेअरबद्दल लिहिलं आहे.

दलजीत कौरची पोस्ट

दलजीतनं पोस्टमध्ये लिहिलं, "तू आता निर्लज्जपणे तिच्यासोबत सोशल मीडियावर दिसत आहेस. तुझी पत्नी आणि मुलगा लग्नाच्या 10 महिन्यांनंतर भारतात परतले, संपूर्ण कुटुंबाचा अपमान झाला. तू मुलांसाठी थोडी प्रतिष्ठा ठेवायला हवी होती.” दलजीतने पुढे कॅप्शनमध्ये लिहिलं, “किमान तू सार्वजनिक ठिकाणी तुझ्या पत्नीला थोडा सन्मान द्यायला हवा होतास कारण मी इतर अनेक गोष्टींबद्दलही गप्प राहिले होते."

दलजीतनं तिचा नववधूच्या लूकमधील एक व्हिडीओ देखील सोशल मीडियावर शेअर केला आहे. हा व्हिडीओ शेअर करुन दलजीतनं तिचं दु:ख व्यक्त केलं आहे. या व्हिडीओला तिनं कॅप्शन दिलं, "ती तिच्या मुलांच्या फायद्यासाठी मौन धरते. तिच्या कुटुंबासाठी ती सर्वकाही करत असते. एसएन, तुलाही मूल आहे का?"

दलजीतचे पहिले लग्न अभिनेता शालीन भानोतसोबत झाले होते. या दोघांना एक मुलगा देखील आहे. पण लग्नाच्या दोन वर्षानंतर दलजीत आणि शालीनचा घटस्फोट झाला. यानंतर दलजीतने निखिल पटेलसोबत दुसरे लग्न केले.