गेले अनेक दिवस धर्मरक्षक महावीर छत्रपती संभाजी महाराज या चित्रपटाची चर्चा सगळीकडे रंगलेली होती. या चित्रपटाचा ट्रेलर काही दिवसांपूर्वी मोठ्या थाटामाटात प्रदर्शित करण्यात आला. हा ट्रेलर पाहून सगळ्यांची या चित्रपटाबाबतची उत्सुकता ताणली गेली होती. अखेर हा चित्रपट मराठीबरोबरच हिंदी भाषेतदेखील प्रदर्शित करण्यात आला आहे. छत्रपती संभाजी महाराज हे एक महान योद्धा तसेच कुशल प्रशासक होते. त्यांच्या निष्ठेची, त्यागाची, शौर्याची आणि धैर्याची कहाणी या चित्रपटात मांडण्यात आली आहे. छत्रपती शिवाजी महाराज अर्थात आपल्या वडिलांनी स्थापन केलेल्या हिंदवी स्वराज्यासाठी संभाजी महाराजांनी आपले सर्वस्व जीवन अर्पण केले. त्यांनी आपल्या शौर्याच्या जोरावर कित्येक मोहिमा फत्ते केल्या.