Salman Khan & Atlee : किंग खाननंतर 'जवान' फेम अॅटलीच्या सिनेमात झळकणार 'हा' अभिनेता; कधी रिलीज होणार चित्रपट?

किंग खान शाहरुख खानचा 'जवान' हा सिनेमा खूप गाजला होता आणि या सिनेमाचा दिग्दर्शक अॅ टलीचं कौतुक झालं होतं. साऊथ इंडस्ट्रीमधील गाजलेला दिग्दर्शक असलेल्या अॅ टलीने पदार्पणातच स्वतःची एक वेगळी छाप बॉलिवूडवर सोडली आणि आता तो आणखी एक नवा सिनेमा घेऊन येत असल्याची चर्चा आहे पण यावेळी तो शाहरुख बरोबर नाही तर बॉलिवूडचा भाईजान सलमान खानबरोबर काम करतोय.

Salman Khan New Project : पिंकविलाने दिलेल्या वृत्तानुसार, सलमान खान (Salman Khan) आणि अॅ टली (Atlee) सध्या सिनेमाच्या चर्चेत व्यस्त असून सन पिक्चर्स या सिनेमाची निर्मिती करणार आहेत. सूत्रांनी दिलेल्या माहितीनुसार,"सलमान खान (Salman Khan) आणि अॅ टली (Atlee) गेले वर्षभर एकमेकांच्या संपर्कात असून आणि त्यांनी अनेक कल्पनांवर चर्चा केलीये ज्यावर ते सिनेमा तयार करू शकतील. त्यांची चर्चा सकारात्मक रीतीने सुरु असून सलमान आणि अॅ टली यांच्या विचारांशी सिनेमाचा विषय जुळेल अशा विषयाचा ते शोध घेत आहेत. सलमानने या प्रोजेक्टला होकार दिला असून सध्या सिनेमाचं कथानक आणि पटकथेवर काम सुरु आहे."

येत्या महिन्याभरात दिग्दर्शक अॅ टली सलमानला सिनेमाची संपूर्ण कथा ऐकवणार असून त्यानंतर ते दोघे सिनेमाशी संबंधित तारखा आणि वेळापत्रकाविषयी चर्चा करतील. "२०२५ च्या सुरुवातील सिनेमाच्या शूटिंगला सुरुवात होईल. अॅ टली एक बिग बजेट आणि संपूर्ण देशामध्ये प्रदर्शित होणाऱ्या सिनेमाचा विचार करत असून प्रेक्षकांना आवडेल अशा विषयावर सिनेमा बनवण्याच्या योजनेत सध्या तो व्यस्त आहे. हा सिनेमा सलमान खान आणि साऊथ इंडियन इंडस्ट्रीमधील ए लिस्ट सुपरस्टार कलाकारांना घेऊन बनवला जाणार आहे. सध्या यावर चर्चा सुरु असून हा सिनेमा बनवण्याविषयीची मागणी सगळीकडूनच वाढली आहे. " असं सूत्रांनी पुढे सांगितलं. अभिनेता रणवीर सिंहही (Ranveer Singh) या सिनेमात असल्याची चर्चा होती पण सूत्रांनी हे वृत्त नाकारलं असून बॉलिवूड आणि साऊथ इंडस्ट्रीकडेच लक्ष ठेवून हा सिनेमा बनवला जाणार असल्याचं त्यांनी स्पष्ट केलं.

सलमानबरोबर आणखी कोणते कलाकार या सिनेमात दिसणार ? सिनेमाची कथा काय असणार ? शाहरुख ही या सिनेमात दिसणार का ? हे जाणून घेण्यासाठी चाहत्यांना थोडा काळ धीर धरावा लागणार आहे. लवकरच या संदर्भातील अपडेट्स सोशल मीडियावर जाहीर करण्यात येतील असं सूत्रांनी सांगितलं आहे.