याला नक्की झालंय तरी काय? 'दुनियादारी' गाजवणाऱ्या अभिनेत्याला पाहून चाहते चिंतेत; ओळखही पटत नाहीये

सध्या 'धर्मवीर २'ची सगळीकडे जोरदार चर्चा आहे. या चित्रपटाचा ग्रँड प्रीमिअर नुकताच मुंबईत पार पडला. या प्रीमिअरला अनेक बड्या कलाकारांनी हजेरी लावली होती. मात्र या प्रीमिअरदरम्याचा एक व्हिडिओ व्हायरल होतोय जो पाहून नेटकरी आश्चर्यचकीत झाले आहेत. या व्हिडिओमध्ये एक मराठी अभिनेता दिसत आहे ज्याला पहिल्यांदा पाहिल्यावर त्याला ओळखणंही कठीण झालंय. तो अतिशय वेगळा दिसत असल्याने नेटकरी त्याला पाहून चाट पडले आहेत. त्यात त्याचा लूक पूर्ण वेगळा दिसतोय. त्यामुळे त्याच्या तब्येतीला काही झालंय का अशी विचारणा चाहते करत आहेत. हा अभिनेता आहे सुशांत शेलार.

हम सस्ती चीजोका शॉक नही रखते म्हणत ज्या अभिनेत्याने 'दुनियादारी' गाजवली तो अभिनेता म्हणजे सुशांत शेलार. सुशांतच्या चित्रपटातला लूक पाहून तेव्हा अनेक चाहते त्याच्यावर फिदा झाले होते. मात्र आता त्याचा हा व्हिडिओ पाहून नेटकरी त्याच्या काळजीत पडले आहेत. या व्हिडिओमध्ये सुशांत खूप बारीक झाल्याचं दिसत आहे. तो आजारी असल्यासारखा दिसत आहे. त्यामुळे चाहते त्याच्याबद्दल चौकशी करत आहेत. अनेकांनी तर सुरुवातीला त्याला ओळखलं देखील नाही. त्याला नेमकं झालंय तरी काय? त्याच्या तब्येतीची काही अडचण आहे का? हा असा का दिसतोय असे अनेक प्रश्न नेटकरी विचारताना दिसतायत.

सुशांत सध्या सिनेसृष्टीपासून दूर आहे. तो सध्या शिवसेना पक्षाशी जोडला गेला आहे. अशात त्याचा हा व्हिडिओ सोशल मीडियावर व्हायरल होतोय. सुशांतला मोठ्या पडद्यावर पाहण्यासाठी प्रेक्षक उत्सुक आहेत. सोबतच त्याच्या तब्येतीसाठी प्रार्थना करत आहेत.