Deepika Padukone: दीपिकावर चाहते नाराज...

Deepika Padukone: रोहित शेट्टी दिग्दर्शित बहुचर्चित आणि बहुप्रतीक्षित ‘सिंघम अगेन’ चित्रपटाचा ट्रेलर अलीकडेच रिलीज करण्यात आला आहे. हा चित्रपट २०२४ मधील बिग बजेट चित्रपटांपैकी एक आहे. दिग्गज स्टारकास्ट असलेल्या या चित्रपटाची कहाणी रामायणापासून प्रेरित असल्याचं दिसत आहे. आतापर्यंत या चित्रपटाच्या ट्रेलरला सर्व बाजूंनी संमिश्र प्रतिक्रिया येत आहेत.

दरम्यान, सोशल मीडियावरील काही नेटिझन्सनी दीपिका पदुकोणच्या अभिनयावर टीका केली आहे.दीपिका अभिनय आणि फेक ॲक्सेंटमुळे ट्रोलर्सच्या निशाण्यावर आली आहे. रोहित शेट्टीच्या कॉप युनिव्हर्समध्ये दीपिका काम करीत आहे. ती शक्ती शेट्टी या पोलिस अधिकाऱ्याच्या भूमिकेत रुपेरी पडद्यावर दिसणार आहे.

दीपिकाला मोठ्या पडद्यावर पाहण्यासाठी चाहते आतुर झाले आहेत, पण चित्रपटाचा ट्रेलर पाहून चाहत्यांची निराशा झाली आहे. शक्ती शेट्टीच्या भूमिकेत दीपिका ओव्हर ॲक्टिंग आणि फेक ॲक्सेंट वापरत असल्यामुळे तिची भूमिका कमकुवत दिसत आहे, असं नेटकऱ्यांचं म्हणणं आहे.

या चित्रपटाच्या ट्रेलरमध्ये अजय देवगण, करीना कपूर खान यांच्यासह अनेक दिग्गज कलाकारांचा समावेश आहे. या चित्रपटाच्या ट्रेलरमुळे दीपिकावर प्रेक्षक भडकले आहेत. दीपिकाचा अभिनय पाहून नेटकऱ्यांनी तिच्यावर निशाणा साधला आहे.