HanuMan OTT Release: दाक्षिणात्य चित्रपटसृष्टीतील प्रसिद्ध अभिनेता तेजा सज्जाचा (Teja Sajja) हनुमान (HanuMan) हा 2024 मधील सुपरहिट चित्रपटांपैकी एक चित्रपट आहे. या चित्रपटानं बॉक्स ऑफिसवर कोट्यवधींची कमाई केली आहे. या चित्रपटाच्या ओटीटी रिलीजची प्रेक्षक उत्सुकतेने वाट बघत होते. आता या चित्रपटाची ओटीटी रिलीज डेट जाहीर करण्यात आली आहे. तेजा सज्जचा हनुमान हा चित्रपट कोणत्या ओटीटी प्लॅटफॉर्मवर आणि कधी रिलीज होणार आहे? याबद्दल जाणून घेऊयात...
हनुमान या चित्रपटाचं हिंदी व्हर्जन जिओ सिनेमावर रिलीज झालं आहे. जियो सिनेमावर लाखो लोकांनी हा चित्रपट हिंदी भाषेत पाहिला आहे. या चित्रपटाचे तेलुगू व्हर्जन ZEE5 वर प्रदर्शित झाले आहे. आता हा चित्रपट तामिळ, मल्याळम आणि कन्नड भाषेत प्रदर्शित होणार आहे.
हनुमान हा चित्रपट ओटीटी प्लॅटफॉर्म डिस्ने प्लस हॉटस्टारवर रिलीज होण्यासाठी सज्ज झाला आहे. डिस्ने प्लस हॉटस्टारने सोशल मीडियावर एक पोस्ट शेअर करून ही माहिती दिली आहे. या पोस्टमध्ये लिहिलं आहे,"भारतातील सर्वात मोठा ब्लॉकबस्टर हनुमान पाहण्यासाठी सज्ज व्हा. हा चित्रपट डिस्ने प्लस हॉटस्टारवर 5 एप्रिल रोजी प्रदर्शित होणार आहे."
हनुमान चित्रपटाचे बॉक्स ऑफिसवर धुमाकूळ घातला आहे. या चित्रपटाने हिंदी भाषेतच 52.08 कोटी रुपयांची कमाई केली होती. या चित्रपटाचे एकूण कलेक्शन जवळपास 200.32 कोटी रुपये होते. हनुमान चित्रपटाचे दिग्दर्शन प्रशांत वर्मा यांनी केले आहे. (Box office collection of 'Hanuman')
राम मंदिर प्राणप्रतिष्ठा सोहळ्याच्या दिवशी प्रशांत वर्मा यांनी हनुमान या चित्रपटाच्या सिक्वेलची घोषणा केली होती. या चित्रपटाच्या सिक्वेलची प्रेक्षक उत्सुकतेने वाट बघत आहेत. आता प्रेक्षक या चित्रपटाच्या सिक्वेलची उत्सुकतेने वाट बघत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
