Marathi Actress Mother's Death: लोकप्रिय मराठी अभिनेत्रीला मातृशोक; आईच्या आठवणीत शेअर केली भावुक पोस्ट, म्हणते-

जगात आपल्या मुलांना सगळ्यात जास्त जीव लावणारी व्यक्ती म्हणजे आई. आई नसेल तर घरही रिकामं वाटतं. आईचं आयुष्यातून निघून जाणं म्हणजे अर्ध जग संपण्यासारखं आहे. हीच वाईट परिस्थिती एका मराठी अभिनेत्रीवर ओढवली आहे. लोकप्रिय मराठी अभिनेत्री पल्लवी सुभाष हिच्या आईचं नुकतंच निधन झालं आहे. आईच्या निधनाने तिच्यासह कुटुंबावर दुःखाचा डोंगर कोसळला आहे. पल्लवीने एक पोस्ट शेअर करत याबद्दल सांगितलं आहे. तर आईच्या आठवणीत ती व्याकुळ झाली आहे.

पल्लवीने आईसोबतचा एक फोटो शेअर केला आणि पोस्ट करत लिहिलं, 'आई, काल सूर्य मावळत असताना मी स्वतःला आपण शेअर केलेल्या असंख्य गोष्टींची आठवण करून देत होते. तुझं अतूट प्रेम, तुझा हळुवार स्पर्श, तुझा सांत्वन देणारा स्पर्श माझ्या हृदयाच्या खूप जवळ आहे. आज, जेव्हा मी तुझ्याशिवाय माझ्या जीवनाचा प्रवासात अनुभवत आहे, तेव्हा मला तुझी शक्ती, तुझी आणि तुझ्या निस्वार्थ पाठिंबा या गोष्टींची आठवण येत आहे. तुझ्या प्रत्येक शब्दात खरेपणा व आपलेपणा होता.

आई तु कायम राहशील

तिने पुढे लिहिलं, 'मला माहीत आहे की तू माझ्यावर लक्ष ठेवून आहेस. तुझं प्रेम प्रत्येक नवीन दिवसाला धैर्याने सामोरे जाण्याचे सामर्थ्य देतं आणि याचं मला समाधान आहे. आपण एकमेकांबरोबर घालवलेल्या आठवणींना जवळ घेऊन वेळेच बंधन तोडून आपण लवकरच एके दिवशी परत भेटू याची मला खात्री आहे. तुझं प्रेम माझ्या हृदयात कायम असेल. आपण एकत्र घालवलेल्या प्रत्येक क्षणाची मी जाणीव ठेवेन. तुझी कायम आठवण येईल, तुझ्यावर मी कायम प्रेम करत राहीन.' अनेक नेटकऱ्यांनी तिच्या पोस्टवर पल्लवीचं सांत्वन केलं आहे. ‘कुंकू झालं वैरी’, ‘आयला रे’, ‘तुझं माझं जमेना’, ‘नो प्रॉब्लेम’, ‘हॅप्पी जर्नी’ यांसारख्या चित्रपटात पल्लवी झळकलेली.