Hrithik Roshan: 'या' हिरोईनच्या अभिनयावर हृतिक रोशन फिदा, फोटो शेअर करत केलं कौतुक

Pashmina Roshan: बॉलीवूडचा ग्रीक गॉड हृतिक रोशन सध्या त्याची चुलत बहीण पश्मिना रोशनच्या यशाचा आनंद साजरा करत असल्याचे दिसून येत आहे. पश्मिनाने ‘इश्क विश्क रिबाउंड’ या चित्रपटातून शानदार पदार्पण केले आहे. अभिनेत्रीने केलेल्या कामाबद्दल तिची प्रशंसा केली जात आहे. अशातच हृतिक रोशनने एक पोस्ट करत तिचे कौतुक केले आहे.

पश्मीना रोशन ही राकेश रोशन यांची भाची असून हृतिकची चुलत बहीण आहे. राकेश रोशन यांचे धाकटे बंधू राजेश रोशन यांची कन्या आहे. राजेश रोशन हे प्रसिद्ध संगीत दिग्दर्शक आणि संगीतकार आहेत. त्यांचीच मुलगी अभिनेत्री पश्मीनाने ‘इश्क विश्क रिबाउंड’ या चित्रपटातून शानदार पदार्पण केले आहे.

पोस्टमध्ये हृतिकने लिहीले आहे की, “तुला मोठ्या पडद्यावर पाहणे. पात्रात पूर्णपणे बुडलेले बघणे माझ्यासाठी एक आनंददायी अनुभव आहे. तुझ्याकडे गगनाला भिडणारी क्षमता आहे. तुला हे लवकरच कळेल.माला तुझा खुप अभिमान आहे.

हृतिक आणि पश्मिना यांच नात खूप जवळचं आहे, ते अनेकदा एकत्र प्रवासात एकमेकांना साथ देताना दिसतात. हृतिक हा एक अभिनेता म्हणून पश्मीनासाठी नेहमीच मार्गदर्शक ठरला आहे. हृतिकने त्याच्या लहान चुलत बहीणीसाठी गुरूची भूमिका बजावली आहे.