Janvhi Kapoor: जान्हवीची तब्येत कशी आहे? वाचा काय म्हणाले बोनी कपूर

Janvi Kapoor latest Update: अभिनेत्री जान्हवी कपूरला अन्नातून विषबाधा झाल्यामुळे तिला एका खासगी रुग्णालयात दाखल करण्यात आले आहे. तेथे तिच्यावर उपचार सुरू आहेत.

ती रुग्णालयात दाखल झाल्यामुळे तिचे चाहते चिंता व्यक्त करीत आहेत. मात्र लवकरच ती घरी परतणार असल्याचे तिच्या वडिलांनी सांगितले

सध्या जान्हवी कपूर तिच्या उलझ या चित्रपटामुळे चर्चेत आहे. या चित्रपटाचे जोरदार प्रमोशन्स ती करीत आहे. या चित्रपटाचा ट्रेलर नुकताच प्रदर्शित झाला आहे. परंतु अचानक जान्हवी कपूरला रुग्णालयात दाखल करावे लागले आहे. तिला अन्नातून विषबाधा झाली असल्याचे सांगण्यात येत आहे.

याबाबतीत बोनी कपूर यांच्याशी संपर्क साधला असता ते म्हणाले, की एच. एन. रुग्णालयात जान्हवीला दाखल करण्यात आले आहे. डाॅक्टर तिच्यावर उपचार करीत आहेत. घाबरण्याचे काही कारण नाही. आता तिची तब्येत ठीक आहे. उद्या किंवा परवा तिला रुग्णालयातून घरी सोडण्यात येईल.