Kalki 2898 AD: "समय आ गया है ..."; प्रभासच्या 'कल्की 2898 एडी' ची टीम प्रेक्षकांना देणार मोठं सरप्राइज

Kalki 2898 AD: नाग अश्विनच्या 'कल्की 2898 एडी' (Kalki 2898 AD) या आगामी चित्रपटाची प्रेक्षक उत्सुकतेने वाट बघत आहेत. या चित्रपटात प्रभास (Prabhas), दीपिका पदुकोण (Deepika Padukone), अमिताभ बच्चन (Amitabh Bachchan), कमल हासन (Kamal Haasan) आणि दिशा पटानी (Disha Patani) हे कलाकार प्रमुख भूमिकेत दिसणार आहेत. आता या चित्रपटाची टीम प्रेक्षकांना लवकरच मोठं सरप्राइज देणार आहे. याबाबत नुकतीच एक खास पोस्ट शेअर करण्यात आली आहे.

प्रेक्षकांना मिळणार सरप्राइज

'कल्की 2898 एडी' या चित्रपटाच्या सोशल मीडिया अकाऊंटवरुन नुकतीच एक खास फोटो शेअर करण्यात आला आहे. या फोटोमध्ये अमिताभ बच्चन हे खास लूकमध्ये दिसत आहेत. यामध्ये अमिताभ बच्चन यांचा चेहरा पूर्णपणे बँडेजने झाकलेले दिसत आहेत. त्यांचे फक्त डोळे दिसत आहेत. अमिताभ बच्चन यांच्या या फोटोला कॅप्शन देण्यात आलं, 'तो कोण आहे? हे जाणून घेण्याची वेळ आली आहे. 21 एप्रिल रोजी सायंकाळी 7:15 वा." अमिताभ बच्चन यांच्या फोटोवर "समय आ गया है", असंही लिहिलेलं दिसत आहे. आता आज 'कल्की 2898 एडी' या चित्रपटाची टीम कोणतं सरप्राइज देणार आहे? याकडे प्रेक्षकांचे लक्ष लागले आहे.

कधी रिलीज होणार चित्रपट?

'कल्की 2898 एडी' हा चित्रपट 9 मे 2024 रोजी थिएटरमध्ये रिलीज होणार आहे. या चित्रपटाची प्रेक्षक उत्सुकतेने वाट बघत आहेत. या चित्रपटाच्या सेटवरील फोटो सोशल मीडियावर व्हायरल झाले होते.

प्रभासचे आगामी चित्रपट

'कल्की 2898 एडी' या चित्रपटाच्या व्यतिरिक्त प्रभासचे आणखी काही चित्रपट प्रेक्षकांच्या भेटीला येणार आहेत. तो 'द राजा साब' या चित्रपटात दिसणार आहे, ज्याचे शूटिंग सध्या हैदराबादमध्ये सुरू आहे. तसेच प्रभास हा 'कनप्पा' या चित्रपटात कॅमिओ देखील करणार आहेत.