Kalki 2898 AD: सध्या सगळीकडे चर्चा आहे ती प्रभासचा (Prabhas) आगामी सिनेमा कल्की 2898 एडी (Kalki 2898 AD) ची. कलियुग आणि कल्की अवतार यावर बेतलेला हा सिनेमा पाहण्यासाठी अनेकजण उत्सुक आहेत. पण आता या सिनेमाची रिलीज डेट निर्मात्यांनी पुढे ढकलली असून आता हा सिनेमा 9 मे ऐवजी जूनमध्ये रिलीज होणार आहे.
नुकतंच कल्की सिनेमाचं नवीन पोस्टर रिलीज केलं. या पोस्टरवर प्रभास, दीपिका आणि अमिताभ यांच्या सिनेमातील पात्रांची झलक पाहायला मिळतेय. आणि या पोस्टरला हा सिनेमा 27 जून ला प्रेक्षकांच्या भेटीस येणार आहे असं कॅप्शन दिलंय. वाळवंट, युद्ध अस या पोस्टरवर दिसत असून सिनेमाचं पोस्टर सगळ्यांनाच पसंत पडलं आहे.
या सिनेमाची दिग्दर्शन नाग अश्विन यांनी केलं असून ही एक साय फाय फिल्म आहे. गेल्या आठवड्यात या सिनेमाचा टिझर प्रेक्षकांच्या भेटीस आला. या टिझरमध्ये अमिताभ हे अश्वत्थामाच्या भूमिकेत दिसणार असल्याचं रिव्हील करण्यात आलं. अश्वत्थामा शिवलिंगाची पूजा करत असताना अचानक त्यांना काही संकेत दिसतात आणि ते वेळ जवळ आलीये अस म्हणतात आणि स्वतःची अश्वत्थामा ही ओळख उघड करतात. असं दाखवण्यात आलंय.
तर प्रभास या सिनेमात भैरव ही भूमिका साकारत असून दीपिका पद्मा ही भूमिका साकारतेय तर कमल हसन कालीच्या भूमिकेतून प्रेक्षकांच्या भेटीस येणार आहेत. विशेष करून या सिनेमात महाभारताच्या युद्धाच्या शेवटापासून ते 2898 सालापर्यंतचा प्रवास दाखवण्यात येणार आहे पण या सिनेमात जास्तीत जास्त भारतीय संस्कृती दिसेल असा प्रयत्न केल्याचं दिग्दर्शकांनी म्हंटलं आहे.
ही एक बिग बजेट साय फाय फिल्म असून तब्बल 600 करोडमध्ये हा सिनेमा बनवल्याचं सिनेमाच्या टीमने जाहीर केलं आहे. तेलुगू आणि हिंदी भाषेत हा सिनेमा रिलीज होणार असून काही सीन हिंदी व्हर्जनसाठी नव्याने शूट करण्यात आले आहेत. ए ए फिल्म्स आणि सी अस्वनी दत्त यांनी या सिनेमाची निर्मिती केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
