Kartik : बॉलिवूडचा शाहजादा म्हणून ज्याने ओळखलं कमावलेल्या कार्तिक आर्यनला त्याला सध्या भारतातील सगळ्यात तरुण सुपरस्टार म्हणूनही ओळखलं जाऊ लागलं आहे. नुकतंच त्याने दिलेल्या मुलाखतीत इंडस्ट्रीतील त्याचा प्रवास आणि त्याचा स्ट्रगल या बद्दल भाष्य केलं.
कार्तिकने नुकतीच हिंदुस्थान टाईम्सला त्याच्या लवकरच रिलीज होणाऱ्या 'चंदू चॅम्पियन' सिनेमाबद्दल मुलाखत दिली. मी कायमच या इंडस्ट्रीत बाहेरून येणार व्यक्ती राहणार आहे आणि अजूनही काहीच बदललं नाहीये. आउटसायडर्सना देण्यात येणारी वागणूक याबद्दलही त्याने भाष्य केलं. या मुलाखतीत तो म्हणाला,""जेव्हा मी बॉलिवूडमध्ये आलो तेव्हा मी कोणालाच ओळखत नव्हतो आणि आता जसं मी इथे काम करतोय तेव्हाही काही फार परिस्थिती बदलली नाहीये. ते जस आहे तस आहे. माझ्यासाठी सगळं पूर्वीसारखंच आहे. काही शुक्रवारी तुमचे सिनेमे यशस्वी होतात आणि काही नसतात. पण हे कायमच सत्य राहील कि मी कधीच या इंडस्ट्रीशी संबंधित नव्हतो."
"ही जी माझी मनस्थिती आहे ती कायमच माझ्याबरोबर राहणार आहे. अजूनही मला असं वाटतं कि कोणताही शुक्रवार माझ्या करिअरचा शेवटचा शुक्रवार असू शकतो. हे सतत माझ्या मनात सुरु असतं. माझ्या मनातून सतत आवाज येतो कि, माझा पॅकअप तर होणार नाही ना. मला असं वाटतं कारण कि, माझ्याकडे दुसरा कोणताच प्लॅन नाहीये. मला दुसरी किंवा तिसरी संधी मिळणार नाही ही भीती कायम माझ्या डोक्यात असते." असं पुढे ते म्हणाला.
कार्तिकच्या सिनेमाची चर्चा
कार्तिकचा आगामी सिनेमा चंदू चॅम्पियनची सध्या खूप चर्चा आहे. १४ जूनला रिलीज होणाऱ्या या सिनेमाचं दिग्दर्शन कबीर खान यांनी केलं आहे. या सिनेमासाठी कार्तिकने स्वतःवर बरीच मेहनत घेतली आहे. हा सिनेमा पॅरालिम्पिक विजेते मुरलीकांत पेटकर यांच्या आयुष्यावर आधारित आहे. या सिनेमात राजपाल यादव, भुवन अरोरा, हेमांगी कवी, भाग्यश्री बोरसे, यशपाल शर्मा या कलाकारांच्या मुख्य भूमिका आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.