सध्या सगळीकडे कार्तिकच्या चंदू चॅम्पियन सिनेमाची चर्चा आहे. स्पोर्ट्स ड्रामा असलेला हा सिनेमा सध्या बॉक्स ऑफिस गाजवतोय आणि कार्तिकच्या परफॉर्मन्सचंही सगळेचजण कौतुक करत आहेत. सध्या कार्तिक या सिनेमाच्या पोस्ट प्रोमोशनमध्ये बिझी आहे. त्याने सोशल मीडियावर त्याच्या पुणेकर चाहत्यांसाठी मराठीत पोस्ट शेअर केली ती व्हायरल झाली.
कार्तिक नुकताच सिनेमाच्या प्रोमोशन निमित्त पुण्याला गेला. पुण्यती एका मॉलमध्ये चाहत्यांबरोबर कार्तिकचा मीट अँड ग्रीट कार्यक्रम आयोजित करण्यात आला होता. यावेळी त्याला प्रेक्षकांनी दिलेल्या प्रतिसादाने तो भारावून गेला आणि त्याने सोशल मीडियावर मराठीत पोस्ट शेअर करत त्यांचे आभार मानले. "तुमचा चंदू चॅम्पियन एवढं प्रेम बघून खूप खूप खूष झाला!
कोटी कोटी धन्यवाद Pune ❤️❤️" अशी पोस्ट त्याने शेअर केलीये सोबत त्याने पुण्यातील इव्हेन्टची झलक शेअर केली आहे.
कार्तिकच्या या पोस्टवर अनेकांनी कमेंट करत त्याच कौतुक केलं. "तू नॅशनल अवॉर्डसाठी पात्र आहेस", "तू खूप उत्तम अभिनेता आहेस","लोकांचा सुपरस्टार" अशा अनेक कमेंट्स त्याच्या चाहत्यांनी या पोस्टवर केल्या आहेत. इतकंच नाही तर नेपोटीझम आणि इंडस्ट्रीतील राजकारण डावलून त्याने मिळवलेल्या यशाचं अनेकांनी कौतुक केलं आहे.
पॅरालिम्पिक विजेते असलेल्या मुरलीकांत पेटकर यांची गोष्ट या सिनेमात पाहायला मिळणार आहे. सैन्य अधिकारी असलेल्या मुरलीकांत पेटकर यांना १९६५च्या लढाईत अपंगत्व आलं. त्यांनी या अपंगत्वावर मात करत पॅरालिम्पिक मध्ये तीन स्पर्धा प्रकारांमध्ये विजेतेपद मिळवलं. त्यांचा हा सगळा प्रवास या सिनेमात पाहायला मिळणार असून सिनेमाच्या ट्रेलरनेही सगळ्यांचं लक्ष वेधून घेतलं आहे.
चंदू चॅम्पियनने तीन दिवसात २० करोडची कमाई केली. सिनेमाची ओपनिंग संथ झाली असली तरीही नंतरच्या दोन दिवसात छप्परफाड कमाई केली आहे. पहिल्या दिवशी ५.४ करोड इतकी कमाई केली आणि नंतरच्या दोन दिवसात १५ करोडची कमाई करण्यात सिनेमा यशस्वी ठरला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
