Kim Kardashian : अनंत-राधिकाच्या लग्नानंतर किम आणि क्लोईची मंदिरात सेवा ; फोटो झाले सोशल मीडियावर व्हायरल

Kim Kardashian & Kloe Kardashian : हॉलिवूड स्टार किम कर्दशियन आणि तिची बहीण ख्लोने अनंत आणि राधिकाच्या लग्नाच्या निमित्ताने मुंबईत हजेरी लावली. अनंत-राधिकाच्या लग्नातील तिचे आणि तिच्या बहिणीचे अनेक फोटो सोशल मीडियावर व्हायरल झाले. तर किम आणि तिच्या बहिणीने संपूर्ण मुंबई फिरली.

इतकंच नाही तर किमने मुंबईत रिक्षाने फिरण्याची इच्छा व्यक्त केली होती. तिची ही इच्छा पूर्ण झाली. याबरोबरच तिने लग्नामध्ये अनेक बॉलिवूड सेलिब्रिटीजबरोबर फोटोही काढले. किमच्या भारत दौऱ्याची चर्चा सोशल मीडियावरही होतेय. त्यातच आता किमचे नवीन काही फोटो समोर आले असून या फोटोमध्ये तिने तिची बहीण ख्लोबरोबर मुंबईतील इस्कॉन मंदिराला भेट दिली. तिथे तिने दर्शन घेतलं. यावेळी तिच्याबरोबर लाईफ कोच जय शेट्टीसुद्धा उपस्थित होते.

किम आणि ख्लोने फक्त दर्शनच घेतलं नाही तर त्यांनी तिथे सेवाही केली. त्या दोघीनी तिथे उपस्थित असलेल्या लहान मुलांना जेवण वाढलं. सोशल मीडियावर या दोघींचे जेवण वाढतानाचे फोटो व्हायरल झाले आहेत. तिच्या या कृतीने तिचे भारतीय फॅन्स खूप खुश झाले.

पहा फोटो:

अंबानींच्या लग्नात धमाल

किमने अनंत अंबानी आणि राधिका मर्चंट यांचं लग्न आणि शुभ आशीर्वाद या दोन कार्यक्रमांना हजेरी लावली. यावेळी तिने अनेक बॉलिवूड सेलिब्रिटीजची भेट घेतली. तिने ऐश्वर्या राय बच्चन बरोबर फोटो काढला आणि या फोटोला तिने 'क्वीन' असं कॅप्शन दिलं होतं. तिने शेअर केलेला हा फोटो चर्चेत होता. तर तिने महेश बाबू आणि रणवीर सिंह यांच्याबरोबर देखील फोटो काढले होते.

या लग्न समारंभात किमचं खूप जोशात स्वागत झालं. नीता अंबानी यांनी किमचा हात धरून तिला लग्न मंडपापर्यंत आणलं होतं. हॉलिवूडमधून आलेल्या अनेक कलाकारांपैकी फक्त किम आणि लॉरेन स्कवॉर्ट्जला हा सन्मान मिळाला होता.