"तुला भेटता नाही आलं पण..." अश्विनी एकबोटेंच्या सुनेची सासूच्या आठवणीत भावूक पोस्ट ; "आज जिथे तू वावरलीस..."

Marathi Entertainment News : मराठी सिनेमा, मालिका आणि नाटक यांवर आपल्या अभिनयाची छाप उमटवणाऱ्या अश्विनी एकबोटे यांचं काही वर्षांपूर्वी निधन झालं. आज 22 ऑक्टोबरला त्यांचा स्मृतीदिन. आज त्यांच्या आठवणीत त्यांची सून आणि अभिनेत्री अमृता बनेने एक इमोशनल पोस्ट सोशल मीडियावर शेअर केली. .सोशल मीडियावर शेअर केलेल्या पोस्टमध्ये अमृताने अश्विनी यांना भेटण्याची राहिलेली खंत व्यक्त केली. तर तिच्या भावनाही व्यक्त केल्या. तिची ही पोस्ट सोशल मीडियावर चर्चेत आहे. .Parineeti Chopra : पतीसाठी परिणीतीच्या लंडनला फेऱ्या; राघववर पार पडली मोठी शस्त्रक्रिया ."प्रिय आशुआई,आजचा दिवस कॅलेंडर मधून काढून टाकता तर नाही येणार पण तुझी आठवण ?? त्याचं काय?? एका दिवसापूर्ती नाही ती....खरं तर तुला कधी भेटता नाही आलं, तुझ्याशी बोलता नाही आलं, तुझं नृत्य म्हणजे तुझा श्वास कधी प्रत्यक्ष पाहता नाही आला. त्याची खंत कायम राहील माझ्या मनात. तुला माहित आहे, आज जिथे तू वावरलीस, तिथे म्हणजे आपल्या घरी जेव्हा जेव्हा मी असते तेव्हा अस वाटतं आशुआईने ह्याच कपाटाला हात लावला असेल ना, ह्याच स्वयंपाकघरात अन्नपुर्णेसारखा सगळ्यांचा पोटोबा शांत केला असेल, ह्याच जिन्यावरून फोटोज काढले असतील....आज त्या प्रत्येक निर्जीव गोष्टीला हाताळताना तू त्याच्यात जो जीव ओतून गेली आहेस त्यामुळे का होईना मला तुला भेटता येतं, तुझ्याशी बोलता येतं.तुला माहितीय, लग्नाच्या आधी म्हणजे गेल्या दिवाळीला मी अंधेरीला छान रांगोळी काढली होती, त्यावर शेजारच्या काकू म्हणाल्या, "अरे वाहह, आज तुला शुटींगला सुट्टी आणि त्यात सुंदर रांगोळी काढली आहेस! मग आता व्हिडीओ कॉल करुन दाखवशील ना तुझ्या सासूबाईंना ????.............."ठिकेऽऽऽऽऽ........मला माहीत आहे ती तात्पुरती रांगोळी तुला दाखवता नाही आली, पण शुभंकर आणि मी मिळून आयुष्यभरासाठी जी कायमस्वरूपी संसाराची रांगोळी काढायला घेतली आहे ती नक्कीच तू पाहात आहेस आणि कुठे कुठले रंग भरायचे हे सुद्धा सांगत आहेस...रोज रात्री बाबा, शुभंकर आणि माझा व्हिडीओ कॉल होतो तेव्हा स्क्रीनवरचा तुझा चौकोन व्हॉट्सप वर नाही तर आमच्या मनात आहे आणि ह्या व्हिडीओ कॉलला नेहमीच रेंज असेल आशुआई...आणि हो तुझा नादिष्ट शुभंकर सगळं छान सांभाळून घेतोय. बाबा कुठलीही परिस्थिती असो सगळं सोप्प करुन टाकतात ते.जिथे आहेस तिथे छान रहा आणि हो तिथे तरी स्वतःची दगदग करुन घेऊ नकोस आशुआई...खूप सारं प्रेम आणि गोड पापा तुला".22 ऑक्टोबर 2016 ला अश्विनी यांचं हृदयविकाराच्या झटक्याने निधन झालं. त्यांचा नृत्याचा कार्यक्रम सुरु असताना नाचतानाच त्या स्टेजवर कोसळल्या आणि तिथेच त्यांनी अखेरचा श्वास घेतला. या घटनेने मराठा सिनेविश्वाला खूप मोठा धक्का बसला होता. अश्विनी यांनी अनेक मालिका आणि सिनेमांमध्ये काम केलं होतं. .अश्विनी यांच्या लेकाचं काहीच महिन्यांपूर्वी लग्न झालं. अभिनेत्री अमृता बनेशी शुभंकरने लग्न केलं. सोशल मीडियावर त्यांच्या लग्नाचे फोटो व्हायरल झाले होते. शुभंकरही अभिनेता असून लवकरच तो विकी कौशलच्या छावा सिनेमात काम करणार आहे. .Gaurav Taneja : "तो एक पब्लिसिटी स्टंट", घटस्फोटाच्या चर्चा रंगल्यानंतर फ्लाईंग बिस्ट गौरवच्या खळबळजनक खुलास्यावर नेटकरी चिडले .ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.