Madhuri Dixit and Karisma Kapoor Dance : माधुरी दीक्षित-करिश्मा; ‘चक धूम धूम’वर थिरकल्‍या

माधुरी दीक्षित, शाहरुख खान आणि करिश्मा कपूर यांच्या प्रमुख भूमिका असलेला ‘दिल तो पागल हैं’ हा चित्रपट १९९७ मध्ये प्रेक्षकांच्या भेटीला आला होता. या चित्रपटाने घराघरांत एक वेगळीच जादू निर्माण केली होती. याचे कारण म्हणजे चित्रपटातील प्रत्येक गाणे सुपरहिट ठरले. ‘दिल तो पागल हैं’ मधील सदाबहार गाण्यांनी आजही प्रेक्षकांच्या मनात एक वेगळे स्थान निर्माण केले आहे.

या गाण्यात करिश्मा आणि माधुरी या दोघींनी जबरदस्त डान्स केला होता. आता तब्बल २७ वर्षांनंतर पुन्हा एकदा बॉलिवूडमधील या लोकप्रिय अभिनेत्री एकमेकींसमोर आल्या आहेत. माधुरी आणि करिश्माने पुन्हा एकदा चित्रपटातील ‘चक धूम धूम’ गाण्यावर डान्स केला. त्यांचा हा व्हिडीओ व्हायरल झाला आहे. नुकतेच ‘डान्स दिवाने’ या शोमध्ये करिश्मा कपूरने हजेरी लावली होती.

माधुरी आणि सुनील शेट्टी या शोचे परीक्षक आहेत. यादरम्यान त्यांनी ‘चक धूम धूम’ या गाण्यावर डान्स केला. या व्हायरल व्हिडीओवर प्रतिक्रिया देत चाहत्यांनी प्रेमाचा वर्षाव केला आहे. ‘एव्हरग्रीन करिश्मा कपूर’ असे एकाने चाहत्याने लिहिले आहे. तर, ‘माधुरीच बेस्ट आहे’, असे दुसऱ्याने म्हटले. या व्हिडीओला अवघ्या एक दिवसात ११ मिलियनहून अधिक व्ह्यूज मिळाले.