Marathi Entertainment News : सध्यासगळीकडे तांबडी चामडी हे गाणं व्हायरल झालं आहे. फक्त भारतातच नाही तर जगभरात गाजलेल्या या गाण्याचा संगीत दिग्दर्शक आणि गीतकार दोघंही मराठी आहेत. अतिशय वेगळ्या पद्धतीचं रॅप आणि त्यातून व्यक्त केलेल्या भावना, आताच्या तरुणाईला आवडेल असं संगीत यामुळे हे गाणं सगळ्यांनाच पसंत पडतंय. हे गाणं संगीतबद्ध केलंय डीजे क्रेटेक्स म्हणजेच कृणाल घोरपडे या मराठी तरुणाने. सध्या त्याची एक जुनी मुलाखत व्हायरल होतेय ज्यात त्याने मराठी भाषेविषयी असलेल्या अनास्थेबाबत खंत व्यक्त केली.