Video : मिताली रील शूट करायला गेली आणि धडपडली.. ; मित्रांना हसू आवरेना, बीटीएस व्हिडीओ व्हायरल

Mitali Mayekar : अभिनेता सिद्धार्थ चांदेकरची बायको आणि अभिनेत्री मिताली मयेकर कायमच तिच्या सोशल मीडिया पोस्टमुळे चर्चेत असते. तिचे ग्लॅमरस फोटोशूट्स, भन्नाट रील्स कायमच सगळ्यांचं लक्ष वेधून घेतात. पण नुकतंच तिने शेअर केलेल्या एका व्हिडिओमुळे सगळ्यांना हसू अनावर झालं.

मिताली नुकतीच सिद्धार्थबरोबर परदेशात फिरायला गेली होती. यावेळी तिने अनेक देशांना भेट दिली. यावेळी तिने काढलेले बरेच फोटोजही सोशल मीडियावर शेअर केले. तर नुकतंच तिने तिचं एक रील शेअर केलं आणि ते पाहून सगळ्यांनाच हसू अनावर झालं. मिताली तिचं गवतावर चालतानाचं रील शूट करायला गेली पण सुरुवातीलाच तिचा तोल गेला आणि ती जमिनीवर पडली. सोशल मीडियावर तिने शेअर केलेला हा व्हिडीओ गाजतोय.

मितालीने या व्हिडिओला "मला गवतावर फिल्मी पद्धतीने धावतानाचा व्हिडीओ शूट करायचा होता जे माझं स्वप्न होतं पण मी काही फार मोठं स्वप्न पाहिलं का ? " असं कॅप्शन तिने या व्हिडिओला दिलं आहे. तिचा हा व्हिडीओ पाहून तिच्या अनेक सेलिब्रिटी मित्रांना हसू अनावर झालं. तर अनेकांनी आम्हाला हे बघून अजिबात आश्चर्य वाटलं नाही अशी कमेंट केली आहे.

मिताली आणि सिद्धार्थने यावेळी २३ दिवसांमध्ये ४ देश पालथे घातले. त्यांनी १६ पर्यटन स्थळांना यावेळी भेट दिली. या व्हेकेशनचे खास फोटोजही त्यांनी सोशल मीडियावर शेअर केले आहेत. त्यांच्याबरोबर त्यांचे फिटनेस ट्रेनर ब्रायन आणि रीमासुद्धा होते.

याबरोबरच मितालीचं बिकिनी फोटोशूटही सोशल मीडियावर व्हायरल झालं. ब्लॅक रंगाची बिकिनी घालून तिने बाथटबमध्ये काढलेले फोटोज चांगलेच चर्चेत आहेत. तिच्या या सिझलिंग लूकने सगळ्यांचं लक्ष वेधून घेतलं. तिच्या अनेक सेलिब्रिटी मित्रांनी तिच्या या फोटोवर कमेंट करत तिच्या ग्लॅमरस लूकचं कौतुक केलं.