Star Pravah : मराठी मालिकांमध्ये येणारे ट्विस्ट अँड टर्न्स कायमच चर्चेत असतात. तेजश्री प्रधान आणि राज हंचनाळे यांची मुख्य भूमिका असलेली ही मालिका गाजतेय. या मालिकेत आता नवीन ट्विस्ट येणार आहे. सावनीच्या हळदी समारंभावेळी आदित्यने केलेल्या तक्रारीमुळे मुक्ताला पोलीस अटक करणार आहेत.
नुकताच मालिकेचा नवीन प्रोमो सोशल मीडियावर शेअर करण्यात आला. या प्रोमोमध्ये पाहायला मिळालं कि, आदित्य स्वतःचा हात उकळत्या पाण्यात टाकतो. त्यानंतर सावनीच्या हळदीला मुक्ता तिला हळद लावत असताना पोलीस येतात आणि मुक्ताला सावत्र मुलाचा छळ केल्याबद्दल अटक करायला आल्याचं सांगतात. तेव्हा सागर मुक्ताची बाजू घेऊन पोलिसांचा काहीतरी गैरसमज झाल्याचं सांगतो. तो आदित्यला बोलावतो तेव्हा त्याचा हात भाजला असल्याचं सागरला दिसतं आणि त्या दोघांनाही धक्का बसतो.
मुक्ता स्वतःचं निर्दोषत्व सिद्ध करू शकेल का ? सागर मुक्तावर विश्वास ठेवणार का ? आदित्यचा खोटेपणा उघडकीस येणार का ? या सगळ्या प्रश्नांची उत्तर मालिकेच्या आगामी भागात मिळतील. मालिकेच्या या प्रोमोवर प्रेक्षकांनी मात्र संमिश्र प्रतिक्रिया दिल्या आहेत. काहीजणांनी असे एपिसोडस दाखवू नका यातून मुलं चुकीच्या गोष्टी शिकतील असं म्हंटलं आहे तर काहींनी मुलांना असं काही करू नये याची शिकवण द्या असा सल्ला दिला आहे.
मालिकेचा हा नवीन भाग १६ जुलैला रात्री ८ वाजता प्रेक्षकांना पाहायला मिळेल. ये है मोहोब्बत्ते या मालिकेवर ही नवीन मालिका आधारित असून तेजश्री आणि राजची जोडी सगळ्यांना पसंत पडली आहे. टीआरपीच्या शर्यतीतही ही मालिका आघाडीवर आहे. अग्गबाई सासूबाई ही मालिका गाजल्यानंतर तेजश्रीने बऱ्याच काळानंतर मालिकाविश्वात कमबॅक केलं असून तिची आणि शुभांगी गोखले यांची ऑनस्क्रीन आई-मुलीची केमिस्ट्री अनेकांना आवडत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
