Entertainment News : नागा चैतन्य आणि शोभिता धुलीपाला यांच्या साखरपुड्याने सगळ्यांचं लक्ष वेधून घेतलं. हैदराबादमधील फार्महाऊसवर या जोडीने खासगी समारंभात साखरपुडा उरकला आणि आता ते लग्न कधी करणार याची चर्चा सगळीकडे होती. त्यातच नागा चैतन्यच्या व्हायरल झालेल्या व्हिडीओने सगळीकडे खळबळ उडाली आहे.
सोशल मीडियावर नागा चैतन्याच्या वरातीचा व्हिडीओ व्हायरल झाला आहे. यामुळे नागा आणि शोभित गुपचूप लग्न उरकणार असल्याच्या चर्चा रंगल्या होत्या. तर काहींनी आजच त्यांचं लग्न आहे हे जाहीरही केलं. पण या व्हिडिओमागील सत्य जाणून घेऊया.
व्हिडीओमध्ये नागा चैतन्य पांढरी शेरवानी आणि सनग्लासेस लावून ओपन कारमध्ये बसलेल्या दिसतोय आणि त्याच्या गाडीभोवती लोक नाचताना दिसत आहेत. कुणालाही वाटेल आज नागा चैतन्यचं लग्न आहे. पण तसं नसून यामागील सत्य वेगळंच आहे.
हैद्राबाद,मधील भारतीय पारंपरिक पोशाखाचा ब्रँड असलेल्या तस्वची ही रिहर्सल सुरु होती. त्यांचा लवकरच एक भव्य कार्यक्रम पार पडणार आहे. ब्रँडच्या प्रसिद्धीसाठी ही वरात आयोजित करण्यात आली होती. "तुम्ही माझं लग्न जवळ आलंय असं म्हणू शकता." असं यावेळी दिलेल्या मुलाखतीमध्ये नागा चैतन्यने सांगितलं.
दरम्यान, नागा चैतन्य आणि शोभिता गेली दोन वर्षं एकमेकांना डेट करत आहेत. ऑगस्ट महिन्याच्या सुरुवातीला या जोडीने साखरपुडा केला आणि लवकरच ही जोडी लग्न करणार आहे. नागा चैतन्यने आधी सामांथाशी लग्न केलं पण काही वर्षांपूर्वी त्यांचा घटस्फोट झाला. त्यांचं घटस्फोट प्रकरण खूप गाजलं होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
