Welcome 3 : म्हणून मजनू भाई अन् उदय भाईची जोडी 'वेलकम-3' मध्ये नसणार; नाना पाटेकर यांनी स्वत:सांगितलं कारण

Welcome 3 : ‘वेलकम’ आणि ‘वेलकम २’ या दोन्ही चित्रपटांत नाना पाटेकर आणि अनिल कपूर ही जोडी प्रचंड गाजली. या चित्रपटातील ‘कंट्रोल उदय’ हा नाना पाटेकरांचा खास अंदाज सर्वांना आवडला. आता लवकरच वेलकमचा तिसरा भाग प्रेक्षकांच्या भेटीला येणार आहे.

मात्र यात नाना पाटेकर आणि अनिल कपूर ही जोडी नसणार आहे. नुकत्याच एका मुलाखतीमध्ये यााविषयी नाना पाटेकर यांनी खुलासा केला. त्यांना या वेळेस या चित्रपटासंदर्भात अनेक प्रश्न विचारण्यात आले. या वेळेस ते म्हणाले की, ‘‘२०१५ मध्ये ‘वेलकम बॅक’ यशस्वी झाला नव्हता आणि त्यामुळेच मी आणि अनिल कपूर आम्ही दोघांनी अहमद खान दिग्दर्शित ‘वेलकम ३’ नाकारला.

आमच्याकडे संपर्क करण्यात आला; पण आम्ही नकार दिला. ‘वेलकम ३’मध्ये कथा नाही. स्टोरी वाचून इतकी मजा आली नाही.’’ दरम्यान ‘वेलकम ३’ अर्थात ‘वेलकम टू द जंगल’ या चित्रपटाबद्दल सांगायचे झाल्यास हा चित्रपट २७ डिसेंबर २०२४ रोजी प्रदर्शित होणार आहे. या चित्रपटात अनेक दिग्गज कलाकार आहेत.