"जितकं तू बोलतोस तितका चांगला माणूस तू अजिबात नाहीस" ; जवान फेम अभिनेत्री नयनताराचा धनुषवर खळबळजनक आरोप

Entertainment News : अभिनेत्री नयनताराने साऊथ सुपरस्टार धनुषला खुलं पत्र लिहीत त्याच्यावर खरमरीत शब्दात टीका केली आहे. नयनताराच्या आगामी नेटफ्लिक्स डॉक्युमेंट्रीसाठी नानुम रावडी धान या सिनेमाचं फुटेज वापरू न दिल्याप्रकरणी तिने उघड नाराजी व्यक्त केली. इंस्टाग्राम पोस्टमार्फत नयनताराने एक खुलं पत्र धनुषसाठी शेअर करत त्याच्यावर टीका केली आहे. धनुषने तिला दहा कोटी रुपयांची कायदेशीर नोटीस पाठवल्याबद्दल तिने त्याला वाईट व्यक्ती असं म्हटलं आहे. सोशल मीडियावर तिने शेअर केलेलं हे पत्र चर्चेत आहे.