KD - The Devil : संजय दत्तच्या ‘केडी-द डेव्हिल’ची पहिली झलक; वाढदिवसानिमित्त चित्रपटाचा फर्स्ट लूक लाँच

अभिनेता संजय दत्त हे बॉलीवूडमधलं एक प्रसिद्ध नाव. त्याने या इंडस्ट्रीत अनेक ब्लॉकबस्टर चित्रपटांमध्ये काम केले आहे. अशातच आता तो कन्नड चित्रपटात झळकणार आहे. त्याचा लवकरच ''केडी-द डेव्हिल'' हा चित्रपट प्रेक्षकांच्या भेटीला येणार आहे. या चित्रपटाबाबत त्याचे चाहते खूप उत्सुक आहेत.

नुकताच त्याने त्याच्या वाढदिवसानिमित्त चित्रपटाचा फर्स्ट लूक लाँच केला आहे. या चित्रपटात तो धक देवाची भूमिका साकारत आहे. या चित्रपटाचा भाग बनल्याबद्दल संजय दत्त म्हणाला, ‘केडी-द डेव्हिल’चा भाग बनून मला खूप आनंद होत आहे. कन्नड दिग्दर्शक प्रेम सरांनी चित्रपटाची ज्या प्रकारे कल्पना केली आहे, ते मला खूप आवडलंय.

या चित्रपटात काही दिग्गज लोकांसोबत एकत्र काम करताना मला खूप मज्जा आली.हा चित्रपट १९७० मधील सत्य घटनेवर आधारित आहे. यामध्ये संजय दत्त, शिल्पा शेट्टी, नोरा फतेही, रमेश अरविंद, व्ही. रविचंद्रन आणि ध्रुव सर्जा यांच्या भूमिका आहेत. चित्रपटाचे दिग्दर्शन प्रेम यांनी केले असून केव्हीएन प्रॉडक्शन्सने निर्मिती केली आहे. हा चित्रपट १३ नोव्हेंबर रोजी प्रदर्शित होणार आहे.