Atif Aslam: पाकिस्तानी गायक अतिफ अस्लमनं शेअर केले लाडक्या लेकीचे खास फोटो; क्यूटनेस पाहून नेटकरी म्हणाले...

Atif Aslam: पाकिस्तानी गायक आतिफ अस्लमचा (Atif Aslam) चाहता वर्ग मोठा आहे.आतिफने पाकिस्तानी संगीत क्षेत्राबरोबरच बॉलिवूडमध्ये देखील आपल्या आवाजाची जादू पसरवली आहे. आतिफने अनेक सुपरहिट गाणी गायली आहेत. आतिफ सोशल मीडियावरही खूप सक्रिय असतो. नुकतेच अतिफनं त्याच्या लाडक्या लेकीचे काही फोटो सोशल मीडियावर शेअर केले आहे.

आतिफ अस्लमने त्याच्या लेकीच्या पहिल्या वाढदिवसानिमित्त दोन क्यूट फोटो सोशल मीडियावर शेअर केले आहेत. आतिफने पहिल्यांदाच आपल्या मुलीची झलक चाहत्यांना दाखवली आहे. आतिफनं शेअर केलेल्या एका फोटोमधील तो लेकीसोबत खेळताना दिसत आहे. तर दुसऱ्या फोटोमध्ये आतिफच्या लेकीचा क्यूट अंदाज बघायला मिळत आहे.

आतिफनं त्याच्या लेकीचा फोटो सोशल मीडियावर शेअर करुन कॅप्शनमध्ये लिहिलं, "हॅप्पी बर्थ-डे"

नेटकऱ्यांच्या कमेंट्स

आतिफ अस्लमने शेअर केलेल्या लेकीच्या फोटोवर नेटकऱ्यांनी लाइक्स आणि कमेंट्सचा वर्षाव केला आहे. एका नेटकऱ्यानं कमेंट केली, "ती खूपच क्यूट दिसत आहे" तर दुसऱ्या युझरनं कमेंट केली, "ही राहा सारखी दिसते"

गेल्या वर्षी आतिफची पत्नी सारा भारवानाने मुलीला जन्म दिला होता. सारा आणि आतिफ यांनी त्यांच्या मुलीचे नाव हलिमा असं ठेवले.

2013 मध्ये आतिफ आणि सारा भरवाना यांचा लाहोरमध्ये निकाह केला. हलिमाशिवाय आतिफ आणि सारा यांना अब्दुल अहाद आणि आर्यन अस्लम अशी दोन मुले आहेत.

आतिफची गाणी

आतिफ हा भारतात लोकप्रिय आहे. त्याने बॉलिवूड चित्रपटांमधील अनेक गाणी गायली आहेत. रुस्तम मधील तेरे संग यारा, अजब प्रेम की गज़ब कहानी मधील तू जाने ना आणि तेरा होने लगा हूँ आणि टायगर जिंदा है मधील दिल दियां गल्लन या आतिफच्या गाण्यांना प्रेक्षकांची पसंती मिळाली.