Panchayat 3 Trailer: ओटीटीवर विविध विषयांवर आधारित असणाऱ्या वेब सीरिज प्रेक्षक बिंच वॉच करतात. ओटीटीवरील 'पंचायत' या वेब सीरिजला प्रेक्षकांची विशेष पसंती मिळाली. या वेब सीरिजचे दोन सिझन प्रेक्षकांच्या भेटीला आले. अशातच आता या वेब सीरिजचा तिसरा सीझन प्रेक्षकांच्या भेटीला येणार आहे. पंचायत-3 (Panchayat 3) वेब सीरिजच्या ट्रेलरची प्रेक्षक उत्सुकतेने वाट बघत आहेत. अशातच आता या वेब सीरिजच्या टीमनं वेब सीरिजच्या ट्रेलरची रिलीज डेट जाहीर केली आहे. पंचायत-3 या वेब सीरिजचा ट्रेलर कधी रिलीज होणार आहे? याबाबत जाणून घेऊयात...
'पंचायत' या वेब सीरिजची निर्मिती TVF म्हणजेच The Viral Fever नावाच्या प्रोडक्शन कंपनीनं केली आहे. 'पंचायत' या वेब सीरिजचं एक पोस्टर शेअर करुन TVF नं या वेब सीरिजची रिलीज डेट जाहीर केली आहे. या पोस्टरला त्यांनी कॅप्शन दिलं, 'ट्रेलरची डेट लॉक झाली आहे.' या पोस्टरच्या वर लिहिले आहे की, 17 मे रोजी 'पंचायत 3' चा ट्रेलर प्रदर्शित होणार आहे.
पंचायत-3 या वेब सीरिजच्या टीमनं या वेब सीरिज प्रमोशन हटके पद्धतीनं केलं आहे. काही दिवसांपूर्वी एक व्हिडीओ सोशल मीडियावर व्हायरल झाला होता. त्या व्हिडीओमध्ये दिसत आहे की,भाजी मंडईतील दुधीभोपळ्यांवर पंचायत वेब सीरिजचं नाव आणि रिलीज डेट लिहिली आहे.
दीपिक कुमार मिश्रा यांनी दिग्दर्शित केलेल्या 'पंचायत' या वेब सीरिजचा तिसरा सीझन 28 मे रोजी अॅमेझॉन प्राइम व्हिडीओवर रिलीज होणार आहे. यामध्ये जितेंद्र कुमार, रघुबीर यादव, चंदन रॉय, सान्विका आणि नीना गुप्ता हे कलाकार महत्वाच्या भूमिकेत दिसणार आहेत. प्रेक्षक 'पंचायत' या वेब सीरिजच्या तिसऱ्या सीझनची उत्सुकतेने वाट बघत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.