सबस्क्राईब करा
Panchayat 3 Twitter Review: गेल्या काही दिवसांपासून पंचायत या वेब सीरिजच्या तिसऱ्या सीझनची (Panchayat 3) प्रेक्षक उत्सुकतेने वाट बघत होते. अशातच काल रात्री 12 वाजता पंजायत-3 ही वेब सीरिज प्रेक्षकांच्या भेटीला आली. पंचायत या वेब सीरिजच्या दोन सीझन प्रमाणेच तिसऱ्या सीझनला देखील प्रेक्षकांची पसंती मिळाली आहे. अनेक नेटकऱ्यांनी पंचायत वेब सीरिजचा तिसरा सीझन रिलीज झाल्यानंतर काही तासाच बिंच वॉच केला. अशातच काही नेटकऱ्यांनी या वेब सीरिजचा रिव्ह्यू देखील ट्विटरवर (X) शेअर केला आहे.
पंचायत-3 ही वेब सीरिज प्राइम व्हिडीओवर (prime video) रिलीज झाली. अशातच ही वेब सीरिज पाहिल्यानंतर अनेक नेटकऱ्यांनी या वेब सीरिजचा रिव्ह्यू सोशल मीडियावर शेअर केला आहे. अनेक जण वेब सीरिजमधील फैसल मलिकच्या अभिनयाचं कौतुक करत आहेत. एका नेटकऱ्यानं ट्वीटमध्ये लिहिलं, "पंचायत-3 मधील मलिक भाईंचा परफॉर्मन्स खास आहे. अजून दोन एपिसोड बघणं बाकी आहेत. पण खूप छान सीरिज आहे. प्रत्येकानेच चांगले काम केलं आहे पण फैसल भाईंची गोष्टच वेगळी आहे."
एका नेटकऱ्यानं ट्वीटमध्ये लिहिलं, "नुकतीच पंचायत वेब सीरिज पाहिली. खूप मनोरंजक वेब सीरिज आहे. आता आम्ही चौथ्या सीझनची वाट बघत आहोत."
"मलिक सर तुम्ही पंचायत-3 मध्ये खूपच छान काम केले आहे. आम्ही प्रत्येक सीनमध्ये तुमची भावना समजू शकतो. प्राइम व्हिडीओ, तुम्ही हा शो असाच सुरु ठेवा", असंही एका नेटकऱ्यानं ट्वीटमध्ये लिहिलं आहे.
जितेंद्र कुमार, नीना गुप्ता, रघुबीर यादव यांनी पंचायत-3 या वेब सीरिजमध्ये प्रमुख भूमिका साकारली आहे. या वेब सीरिजमध्ये फुलेरा गावाची कथा दाखवण्यात आली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.