!["मतदान न करणाऱ्यांना शिक्षा द्यावी"; परेश रावल यांनी मांडलं मत](http://media.assettype.com/esakal%2F2024-05%2F4f75160a-6290-4885-9180-c412005452eb%2F68024ff3-1c7a-4d7d-85b2-bccc5fca9e83.jpg?w=480&auto=format%2Ccompress&fit=max)
Lok Sabha 2024 elections : लोकसभा निवडणुकीच्या (Lok Sabha 2024 elections) पाचव्या टप्प्याचं मतदान सध्या सुरु आहे. अनेक सेलिब्रिटी त्यांचा मतदानाचा हक्क बजावत आहे. कलाकारांनी मतदानाचा हक्क बजावल्यानंतर नागरिकांना घराबाहेर पडून मतदान करण्याचं आवाहन केलं आहे. अशातच बॉलिवूडमधील प्रसिद्ध अभिनेते परेश रावल (Paresh Rawal) यांनी मतदान न करणाऱ्यांना शिक्षा असावी, असं सांगितलं आहे.
मतदान केल्यानंतर परेश रावल यांनी ANI सोबत संवाद साधले. यावेळी त्यांनी लोकांना मतदान करण्याचे आवाहन केले आणि मतदान न करणाऱ्यांना काही तरी शिक्षा झालीच पाहिजे असेही सांगितले. ते म्हणाले, "मतदान न करणाऱ्यांसठीकाही तरतुदी असायला हव्यात, जसे की कर वाढवणे किंवा काही अन्य शिक्षा."
जान्हवी कपूर, धर्मेंद्र, रणवीर सिंह, दीपिका पादुकोण या कलाकारांनी मतदानाचा हक्क बजावला आहे. अनेक कलाकारांनी सोशल मीडियावर पोस्ट शेअर करुन लोकांना मतदान करण्याचे आवाहन केले आहे. धर्मेंद्र यांनी सोशल मीडियावर त्यांचा फोटो पोस्ट करुन कॅप्शनमध्ये लिहिलं," भारतीय असण्याचा सर्वात मोठा पुरावा म्हणजे तुमचे मत, मित्रांनो, या अधिकाराचा लाभ घ्या, तुमचे मत नक्की द्या..."
मतदान केल्यानंतर अक्षय कुमार म्हणाला, "माझी इच्छा आहे की, माझा भारत देश हा विकसित आणि सशक्त व्हावा. हे लक्षात घेऊन मी मतदान केले. लोकांना जो व्यक्ती योग्य वाटेल त्यालाच त्यांनी मतदान करावे."
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.