सबस्क्राईब करा
Marathi Entertainment News: अभिनेत्री प्राजक्ता माळीचा ‘फुलवंती’ हा चित्रपट मागचे काही दिवस चर्चेत आहे. काही दिवसांपूर्वीच या चित्रपटाचा टीझर प्रदर्शित झाला होता. दरम्यान, आता या चित्रपटाचा दमदार ट्रेलर प्रदर्शित झाला असून हा ट्रेलर प्रेक्षकांचे लक्ष वेधून घेत आहे.
पद्मविभूषण बाबासाहेब पुरंदरे यांची ‘फुलवंती’ कादंबरी चित्रपटरूपात प्रेक्षकांच्या भेटीला येत आहे. नृत्यांगना ‘फुलवंती’ आणि प्रकांडपंडित ‘व्यंकट शास्त्री’ यांच्यातील पैज व आव्हानावर हा चित्रपट बेतला आहे. प्राजक्ता माळी व गश्मीर महाजनी यांच्यासह प्रसाद ओक, ऋषिकेश जोशी, स्नेहल तरडे, वैभव मांगले, मंगेश देसाई, जयवंत वाडकर, समीर चौघुले, चिन्मयी सुमित, सविता मालपेकर, विभावरी देशपांडे, क्षितिज दाते, गौरव मोरे, वनिता खरात, रोहित माने, पृथ्वीक प्रताप, चेतना भट, विजय पटवर्धन, सुखदा खांडकेकर, अदिती द्रविड, निखिल राऊत, दीप्ती लेले, राया अभ्यंकर आदी मराठीतील कलाकारांची फौज दिसणार आहे.
पॅनोरमा स्टुडिओज प्रेझेंट्स ‘फुलवंती’ मंगेश पवार ॲण्ड कं. आणि शिवोऽहम् क्रिएशन्स प्रायव्हेट लिमिटेड निर्मित या चित्रपटाचे संवाद लेखन प्रवीण तरडे यांचे असून दिग्दर्शन स्नेहल प्रवीण तरडे करीत आहेत.
चित्रपटाच्या छायाचित्रणाची जबाबदारी महेश लिमये यांनी सांभाळली आहे. कुमार मंगत पाठक, अभिषेक पाठक, मंगेश पवार, श्वेता माळी, प्राजक्ता माळी चित्रपटाचे निर्माते आहेत. अमोल जोशी प्रोडक्शन, मुरलीधर छतवानी, रवींद्र औटी चित्रपटाचे सहनिर्माते आहेत. सहाय्यक निर्माते विक्रम धाकतोडे आहेत. चित्रपटाच्या संगीत वितरणाची जबाबदारी पॅनोरमा म्युझिकने सांभाळली आहे. दरम्यान, हा चित्रपट ११ ऑक्टोबरला प्रदर्शित होणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
