'12th Fail' या सिनेमामुळे अभिनेता विक्रांत मेस्सी सध्या चर्चेत आहे. त्याचा आता 'ब्लॅकआऊट' हा नवा सिनेमा प्रेक्षकांच्या भेटीस येतोय. या त्याच्या आगामी सिनेमाचं पोस्टर सोशल मीडियावर रिलीज करण्यात आलं.
या थ्रिलर ड्रामामध्ये विक्रांतसह अभिनेत्री मौनी रॉयसुद्धा मुख्य भूमिका आहेत पण या सिनेमाच्या पोस्टरवर अभिनेत्री छाया कदम आणि अभिनेता प्रसाद ओक यांचाही फोटो पाहायला मिळाला.
प्रसाद आणि छाया पहिल्यांदाच विक्रांतबरोबर स्क्रीन शेअर करणार आहेत. पोस्टरवरील प्रसादच्या लूकने सगळ्यांचं लक्ष वेधून घेतलं आहे. प्रसाद या सिनेमात पोलीस इन्स्पेक्टरच्या लूकमध्ये पाहायला मिळणार आहे. तर छाया या सिनेमात कोणती भूमिका साकारणार ते अजून रिव्हील करण्यात आलं नाहीये.
मौनी, सुनील ग्रोव्हर,करण सोनावणे, सौरभ घाडगे, जिशू सेनगुप्ता, रुहानी शर्मा यांचे या सिनेमातील लूकही पोस्टरवर पाहायला मिळत आहेत.
कान फिल्म फेस्टिव्हलमधील हजेरीमुळे छाया कदम सध्या चर्चेत आहेत त्यामुळे त्यांची या सिनेमात भूमिका कशी असणार हे जाणून घेण्यासाठी प्रेक्षक उत्सुक आहेत. त्याशिवाय त्यांची महत्त्वाची भूमिका असलेल्या ‘All we imagine as light’ या चित्रपटाचा कान महोत्सवात कान ग्रँड प्रिक्स या पुरस्काराने सन्मान करण्यात आला आहे. याशिवायत्यांचे नुकतेच रिलीज झालेले ‘लापता लेडीज’, ‘मडगाव एक्स्प्रेस’ हे सिनेमे गाजले आणि त्यांची भूमिकाही सगळ्यांना आवडली.
'ब्लॅकआउट' हा सिनेमा ७ जूनला जीओ सिनेमा ओटीटी प्लॅटफॉर्मवर रिलीज होणार आहे. या सिनेमाचा ट्रेलरसुद्धा सोशल मीडियावर नुकताच रिलीज करण्यात आला. ट्रेलरमध्ये असं पाहायला मिळालं कि, विक्रांतला रस्त्यात सोन्याने भरलेली पेटी असलेली एक कार दिसते. तोही कार घेऊन पळत असतानाच त्याला वाटेत अनेक अतरंगी माणसं भेटतात. पुढे हे सगळं मिळून सोनं पळवू शकतात का? कि पुढे काय होतं? याची गोष्ट या सिनेमात पाहायला मिळणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
